Miley Cyrus dhe Liam Hemsworth janë qe disa vite bashkë, ndërsa pas tejkalimit të problemeve në lidhjen e tyre, ata edhe u martuan para tetë muajsh. Megjithatë, jeta e tyre martesore është shoqëruar me zënka të përditshme, ndërsa në fund aktorja dhe këngëtarja vendosi t’i jepte fund kësaj marrëdhënieje.
Pas lajmit për ndarjen e çiftit hollivudian, kanë nisur thashethemet nga më të ndryshmet lidhur me shkakun e ndarjes së tyre. Pas raportimeve se ata u ndanë për shkak të mosmarrëveshjes për të pasur fëmijë, spekulim i radhës është se Miley ka nisur një lidhje me një femër.
Madje, menjëherë pas lajmit për ndarje nga Hemsworth, ajo u nis për pushime me blogeren Kaitlynn Carter, me të cilën thuhet se ka nisur një romancë lesbike. Këngëtarja dhe aktorja kundërthënëse është parë duke u puthur në rrugët e Italisë me të dashurën e saj të spekuluar.
