Qytetarët e Bronxit janë habitur që shkallët dikur aspak të njohura, ndërmjet rrugëve ‘Shakespeare’ dhe ‘Anderson’, janë shndërruar në një prej atraksioneve më të mëdha turistike në botë.
Ndërsa arsyeja është e kuptueshme: Sepse në to ka ecur Joaquin Phoenix në rolin e Jokerit në filmin që mban pikërisht emrin e karakterit të famshëm negativ.
Në rrjetet sociale janë publikuar xhirimet të shumta të njerëzve që i kanë “pushtuar” shkallët duke bërë fotografi dhe video, si dhe duke i imituar lëvizjet e protagonistit filmik.
Banorët lokalë e konsiderojnë si pengesë të përditshmërisë së tyre prezencën e kaq shumë njerëzve, saqë disa prej tyre kanë bërë publikime të ndryshme në internet duke u kërkuar fansave që të mos shkojnë më atje.