Obeziteti i prindërve mund të jetë i rrezikshëm për fëmijët

149
Burrat dhe gratë që janë mbipeshë në ‘vitet e tyre të beqarisë’ ka mundësi të kenë fëmijë me metabolizëm të ngadaltë, sugjerojnë kërkime të reja. Të paktën një e pesta e prindërve perëndimorë tani fillojnë shtatzëninë mbipeshë ose kur janë obezë ndërkohë që kjo mund të rezultojë e rrezikshme për fetuset. Studimi i ri nga Universiteti i Bristol paralajmëron se mënyra e jetesës para konceptimit të bebit- midis burrave dhe grave – mund të ndikojë në shëndetin e fëmijës më shumë se sa dieta që mund të mbajë një grua gjatë shtatzënisë. Ekspertët paralajmërojnë se rritja e nivelit të obezitetit në mesin e adoleshentëve mund të ketë implikime shkatërruese për shëndetin e tretjes së gjeneratave të ardhshme. Studiuesit përdorën informacionin e mbi 5.337 nënave-baballarëve dhe fëmijëve, përgjatë 31 viteve. Çdo studim përfshinte peshën e nënës dhe peshën atërore. Gjithashtu, ai dha një pasqyrë gjithëpërfshirëse të tipareve metabolike të secilit fëmijë. Metabolizmi i një personi është përshtatur nga një numër faktorësh. Këto përfshijnë nivelet e gjakut të kolesterolit, lipideve, glukozës, insulinës dhe presionit të gjakut. Studimi i dokumentoi këta faktorë në moshat 16, 17 apo 31 vjeç. Ata zbuluan se zakonet e të ngrënit të një gruaje gjatë shtatzënisë kishin pak ndikim në metabolizmin e fëmijës. Studiuesit thonë se gjetjet e tyre tregojnë se ndërhyrjet për të ulur peshën te të gjithë anëtarët e familjes mund të jenë më e dobishme për shëndetin kardio-metabolik sesa përqendrimi në reduktimin e BMI të para-konceptimit të nënës ose shtatzënisë.