Nga humbja e peshës tek shenjat e plakjes/ Zbuloni benefitet e arrave indiane, ja çfarë ndodh nëse i konsumoni

183

Edhe pse në Shqipëri, kjo lloj arre nuk njihet shumë ajo ka tepër benefite për shëndetin tonë por jo vetëm.

Arra indiane është një pemë mesatare tropikale, i cili përhapet në tërë planetin nga eksploruesit portugezë dhe sot kultivohet në nivel tregëtie në Brazil,Vietnam, Indi dhe shumë vende të Afrikës.

Por cilat janë benefitet dhe vlerat e saj?

Arra indiane është e mbushur me antioksidantë, minerale dhe vitamina të cilat janë të domosdoshme për shëndetin tonë.

Me një formë të vogël sa të një fasuleje, kjo arre përbëhet nga bërthama e jashtme e cila piqet në zjarr të lartë në mënyrë që të shkatërrohet rrëshira urushiol dhe vetëm atëherë mund të nxirret fruti i ngrënshëm.

Çfarë ndodh nëse konsumojmë 4 arra në ditë?

1.Këto arra janë një burim i shkëlqyeshëm i zinkut, i cili është i rëndësishëm për zhvillimin e sistemit imunitar, prodhimin e enzimave antioksiduese dhe për funksionimin e sistemit tuaj imunitar.

2.Arrat janë një burim i shkëlqyeshëm i bakrit dhe antioksiduesve që janë të dobishëm për lëkurën dhe flokët. Antioksiduesit zvogëlojnë shenjat e plakjes, dhe bakri, me enzima të tjera, prodhon kolagjen, i cili është përgjegjës për rritjen e elasticitetit të lëkurës dhe do t’i mbajë flokët tuaj të lehta dhe të forta dhe do t’i japë një cilësi të butë.

3.Vetëm katër arra indiane mund të sigurojnë rreth 30 për qind konsumim ditor të bakrit dhe 20 për qind konsumim ditor të magnezit. Bakri mbështet zhvillimin e kockave dhe indit lidhës, ndërsa magnezi ndihmon trupin të thithë kalciumin dhe ul rrezikun e osteoporozës.

4.Arrat përmbajnë një larmi mineralesh dhe vitaminash, përfshirë vitaminat E, K, B6, bakër, fosfor, zink, magnez, hekur dhe selen. Të gjithë ata luajnë një rol të rëndësishëm për të ndihmuar trupin tuaj të funksionojë siç duhet. Sa më i shëndetshëm metabolizmi juaj, aq më energjik do të ndiheni gjatë gjithë ditës.

5.Shumica e njerëzve mendojnë se konsumimi i arrave çdo ditë çon në shtim në peshë. Kjo nuk është e vërtetë. Arrat përmbajnë yndyra të shëndetshme, dhe magnezi që përmban ato thelbësore për rregullimin e metabolizmit të yndyrave dhe karbohidrateve. Në fakt, ata që hanë arra rregullisht humbasin peshë më shpejt dhe kanë një rrezik më të ulët të mbipeshës. Nëse i mbani në shtëpi, ruani në një enë hermetike dhe mbajini në frigorifer që mos të prishen. Në kushtë ideale, këto arra zgjasin deri 5­6 muaj.

Përdorimi në kuzhinë:

Mund t’i konsumoni të kripura ose të ëmbël. Janë një shtojcë e shkqëlqyer e deserteve dhe ëmbëlsirave. Këto arra së bashku me bajamet dhe fruta tjera të thata, përdoren si shtojcë nëpër salca të ndryshme gjatë përgatitjes.