Meningjiti, si ta dalloni në kohë për të parandaluar komplikacionet

636
Sigal

Meningjiti është një inflamacion i membranave (meninges), që rrethojnë trurin dhe palcën kurrizore. Prekja nga meningjiti zakonisht shkakton simptoma të tilla si dhimbje koke, ethe etj.

Shumica e rasteve të meningjitit në Shtetet e Bashkuara janë shkaktuar nga një infeksion viral, por infeksione bakteriale, parazitare, listohen po ashtu si shkaqe të tjera. Disa raste të meningjitit përmirësohen pa trajtim në disa javë. Të tjerat mund të jenë të rrezikshme për jetën dhe kërkojnë trajtim urgjent me antibiotikë.

Trajtimi i hershëm i meningjitit bakterial mund të parandalojë komplikime serioze. Simptomat Simptomat e hershme të meningjitit mund të imitojnë gripin.

Shenjat dhe simptomat e mundshme përfshijnë: ethe, dhimbje koke e rëndë që duket ndryshe nga normalja e që mund të shoqërohet edhe me të vjella, konfuzion ose vështirësi në përqendrim, gjumë ose vështirësi për t’u zgjuar, ndjeshmëri ndaj dritës, mungesë oreksi, irritim i lëkurës etj.

Ndërsa te të porsalindurit mund të vërehen këto shenja: ethe, përgjumje ose nervozizëm i tepërt, plogështi si edhe ngurtësi në trupin dhe qafën e fëmijës. Trajtimi i vonuar rrit rrezikun e dëmtimit të përhershëm të trurit duke çuar edhe në humbjen e jetës.

Infeksionet virale janë shkaku më i zakonshëm i meningjitit, i ndjekur nga infeksione bakteriale. Për shkak se infeksionet bakteriale mund të jenë kërcënuese për jetën, identifikimi i shkakut është thelbësor.

Meningjiti bakterial

Bakteret që hyjnë në rrjedhën e gjakut dhe udhëtojnë drejt trurit dhe palcës kurrizore shkaktojnë meningjit akut bakterial. Kjo mund të shkaktohet nga një infeksion i veshit ose sinusit, një frakturë e kafkës, ose, më rrallë, pas disa operacioneve. Disa lloje të baktereve mund të shkaktojnë meningjit akut bakterial, më së shpeshti:

• Streptocoçus pneumoniae (pneumokok). Ky bakter është shkaktari më i zakonshëm i meningjitit bakterial te foshnjat, fëmijët e vegjël dhe të rriturit në Shtetet e Bashkuara. Më shpesh shkakton pneumoni, infeksione të veshit ose sinusit. Një vaksinë mund të ndihmojë në parandalimin e këtij infeksioni.

• Neisseria meningitidis (meningokoku). Ky bakter është një tjetër shkak kryesor i meningjitit bakterial. Këto baktere zakonisht shkaktojnë një infeksion të sipërm të frymëmarrjes, por mund të shkaktojnë meningjit meningokoks kur hyjnë në qarkullimin e gjakut. Ky është një infeksion shumë ngjitës që prek kryesisht adoleshentët dhe të rriturit. Mund të shkaktojë epidemi lokale. Një vaksinë mund të ndihmojë në parandalimin e infeksionit.

• Haemophilus influenzae (hemofilus). Bakteria e hemofilus influenzae e tipit b (Hib) dikur ishte shkaku kryesor i meningjitit bakterial te fëmijët. Por vaksinat e reja Hib kanë ulur shumë numrin e rasteve të këtij lloji të meningjitit.

• Listeria monocytogenes (listeria). Gratë shtatzëna, të porsalindurit, të moshuarit dhe njerëzit me sistem imuniteti të dobësuar janë më të ndjeshëm. Infeksionet në shtatzëninë e vonë mund të jenë fatale për fëmijën.

Meningjiti viral Meningjiti viral është zakonisht i butë dhe shpesh pastrohet vetë. Shumica e rasteve në Shtetet e Bashkuara janë shkaktuar nga një grup i viruseve të njohur si enteroviruse, të cilat janë më të zakonshme në fund të verës dhe në fillim të vjeshtës.

Meningjiti kronik

Meningjiti kronik zhvillohet mbi dy javë ose më shumë. Shenjat dhe simptomat e meningjitit kronik, ku përfshihen dhimbje koke, ethe, të vjella, janë të ngjashme me ato të meningjitit akut.

Shkaqe të tjera të meningjitit Meningjiti mund të rezultojë gjithashtu nga shkaqe joinfektive, të tilla si reaksione kimike, alergji ndaj ilaçeve, disa lloje të kancerit dhe sëmundjeve inflamatore siç është sarkoidoza.