Ja si mund të zhdukni zbokthin njëherë e përgjithmonë

82

Flokët me zbokth janë një problem shumë i madh që shqetësojnë si femrat ashtu edhe meshkujt. Disa nga faktorët që ndikojnë në krijimin e zbokthit janë: trashëgimia, stresi, pagjumësia, mbajtja e vazhdueshme e kapelave, kasketave, përdorimi i tepruar i xhelit të flokëve, llakut apo produkteve të tjera të dëmshme për flokët, ndërrimi i shpeshtë i shampove, moslarja mjaftueshme e flokëve etj.

Ekzistojnë produkte të ndryshme që ju vijnë në ndihmë për eleminimin e këtij problemi. Disa nga këto produkte janë;

Aspirina
Përdoret zakonisht për trajtimin e dhimbjeve të kokës, por, mund të përdoret edhe për zhdukjen e zbokthit. Shtypni mirë dy aspirina derisa të bëhen pluhur, hidhini në shampo dhe përdoreni atë për të larë flokët. Masazhoni kokën për dy minuta dhe më pas i shpëlani flokët. Është mirë që t’i lani përsëri flokët me shampo, por jo nga ajo që keni hedhur aspirina, për të hequr të gjithë pluhurin që mund të ketë mbetur në flokë.

Vajrat natyralë
Si vaji i ullirit, i kokosit ose bajames, mund të përdoren për të parandaluar zbokthin. Mjafton vetëm të masazhoni flokët me njërën nga këto vajra, t’i mbështillni me një peshqir dhe t’i mbani ashtu gjatë gjithë natës. Pastaj lajini flokët në mëngjes.

Uthulla e mollës
Kjo ësht një pijë që ju ndihmon të luftoni zbokthin fare thjeshtë. Pasi të lani flokët me shampo, përzieni dy filxhanë me uthull molle me dy filxhanë ujë të ftohtë dhe përdoreni për të hequr shampon nga flokët. Në fund shpëlajini mirë flokët.

Lëngu i limonit
Ky është një tjetër opsion për zhdukjen e zbokthit. Masazhoni flokët me lëng limoni dhe lërini ashtu për 15-­20 minuta. Pastaj lajini mirë flokët me shampo. Përsëriteni këtë trajtim çdo ditë për të arritur rezultate të menjëhershme.