Kaçurrelëset e dinë shumë mirë: Në përfundim të plazhit ose me ardhjen e dimrit shfaqet efekti i kaçurrelit të ashpër që ngatërrohet, ka më pak hidratim dhe thahet më shumë.
Për këtë arsye do t’ju duhet të mësoni disa hapa të cilat duhet t’i ktheni në rutinë të kujdesit tuaj ndaj flokut:
Hapi 1. Masazhi
Para se t’i lani flokët, bëni një masazh të lëkurës së kokës me lëvizje rrethore me majat e gishtave për të nxitur qarkullimin e gjakut dhe rrjedhimisht për të evituar efektin e kaçurrelave të ngatërruar e të thatë.
Hapi 2. Tharja
Provoni t’i thani flokët me një bluzë pambuku pas larjes dhe shtrydhini në mënyrë delikate pa i përdredhur.
Hapi 3. Trajtimi
Për të pasur flokë të shkrifët përdorni pak vaj (vaj ulliri, argani ose vaj apostafat për ushqyerjen e flokëve) duke nisur nga majat drejt gjatësive.
‘JO’ ajër të nxehtë
Nëse dëshironi që flokët të mos u ngatërrohen, asnjëherë mos përdorni nxehtësinë maksimale të tharëses, sepse do t’ua thajë dhe ashpërsojë ato.
Provoni t’i bëni rutinë këto truke të thjeshta dhe pastaj na falënderoni.
