Sigal

Njerëzit e moshës së mesme janë duke u këshilluar që të kenë ditë pa alkool për të përmirësuar shëndetin.

Mosha 45 deri në 65 vjeç kanë më shumë gjasa se çdo grup tjetër të konsumojnë më shumë alkool.

Shëndeti Publik në Angli thotë se futja e ditëve të rregullta pa alkool,  mundësisht dy ditë radhazi do të përmirësojë gjumin ndërsa zvogëlon edhe rrezikun e sëmundjeve të zemrës, problemeve të mëlçisë, kancerit dhe presionit të lartë të gjakut.

Ndërsa me  këtë apel për pushimin deri në dy ditë pa konsumuar alkool besohet se njerëzit do ta kenë më të lehtë ta zbatojn sepse sipas Julia Verne njerëzit e kanë të vështirë ta zvogëlojnë dozën.

“Njerëzit na kanë thënë gjithashtu se ideja për një ditë pa pije është shumë më e lehtë për t’u menaxhuar, sesa prerja, për shembull, nga një gotë e madhe verë në një gotë të vogël verë”, u shpreh Verne.

Edhe për Duncan Selbie, shefin ekzekutiv të Shëndetit Publik vendosja e një objektivi për të pasur më shumë ditë pa pije çdo javë është një mënyrë e thjeshtë për të pirë më pak dhe për të zvogëluar rreziqet për shëndetin tuaj.

Një sondazh i mëparshëm që u bë me rreth 9.000 të rritur nga YouGov sugjeroi se njerëzit do të gjenin zvogëlimin e pirjes së tyre, duke ushtruar më shumë ose duke shkurtuar pirjen e duhanit.