Ambasadori amerikan në Tiranë, Donald Lu ka rinisur angazhimet në kuadër të miratimit të reformës në drejtësi. Ai ka zhvilluar një takim me kryetarin e Partisë Demokratike Lulzim Basha, duke qëndruar një orë në selinë e PD-së. Më pas Lu, së bashku me ambasadoren e Bashkimit Europian, Romana Vlahutin kanë shkuar në Kryesinë e KUvendit ku po zhvillojnë një takim me kreun e Kuvendit Ilir Meta. Takimet vijnë në një kohë që opozita ka depozituar në Kuvend amendamentet për ligjin e Vettingut. Nesër do të zhvillohet seanca për miratimin e ligjit të Vettingut, që ka të bëjë me krijimin e institucioneve të reja që do të jenë në krye të procesit të emërimit të gjyqtarëve dhe të prokurorëve.