Kryetari i Bashkisë së Tiranës, Erion Veliaj, ka reaguar pas protestës së banorëve të “Astirit” të cilët kundërshotjnë prishjen e banesave dhe bizneseve të tyre, pa u dëmshpërblyer në vlerën 100%.
Me anë të një postimi në rrjetet sociale, Veliaj, pasi më herët tha se “shperllarët” nuk do të ndalnin dot zhvillimin e qytetit, shkruan se qyteti do të triumfojë mbi barbarinë.
Në vijim ai publikon fotot e disa efektivëve të Policisë Bashkiake, të cilët janë lënduar gjatë përplasjes me banorët.
Postimi i plotë:
Mirënjohje të thellë policëve bashkiakë për qytetarinë e treguar përballë partisë së dhunës, hurit e zjarrit! ?
Shërim të shpejtë oficerëve të plagosur!
Si tek Lodrat, Sheshi Skënderbej dhe Pazari i Ri, puna do e mundë dhunën, dhe qyteti do triumfojë mbi barbarinë!
Ta harrojnë, Tirana nuk ndalet më!✌