Presidenti Ilir Meta duket është ultrasi më i flaktë i Celtic jashtë Skocisë.
Që pas takimit me tifozët e skuadrës së njohur skoceze pak javë më parë në Bosnjë, ka bërë disa herë postime që kanë pasur si subjekt klubin legjendar të Gllasgou.
Këtë herë, kreu i shtetit ka uruar Celtic për fitoren dhe kualifikimin ne fazën tjetër të Champions League.
Por ky urim i Metës ka zënë vend edhe në mediat ndërkombëtar.
Versioni skocez i “The Sun” shkruan se, Presidenti shqiptar, Ilir Meta përgëzoi Celtic për fitoren në Ligën e Kampionëve ndaj Sarajevës.
Më parë këtë muaj, politikani postoi një foto me fanellën e Celtic teksa festonte me tifozët skocezë në Sarajevë.
“Urimet më të ngrohta @CelticFC për fitoren e merituar mbrëmë në @ChampionsLeague. Shpresoj që në ndeshjen e radhës me Nõmme Kalju të përjetoj live emocionet e fitores&të ritakohem me tifozët e mrekullueshëm celt.”Once you’re a Celt you’re always a Celt..Hail Hail”, shkruante Meta në urimin e tij.