Tepsia financiare e vendoreve: PS merr 85% të fondit

68
Nje vajze, duke votuar ne mjediset e shkolles Edith Durham, per zgjedhjet lokale ne Tirane. /r/n/r/nAn Albanian women casts his vote at Edith Durham school, on June 21, 2015. Albania votes to elect mayors after a territorial reform that consolidated the number of local government units to 61 down from 373. These elections are considered an important test for the government of Prime Minister Edi Rama and his reforms two years after he was elected.

“Tepsia” financiare: PS-ja do të përfitojë 85 % të fondeve shtetërore për zgjedhjet vendore

Partia Socialiste është e vendosur që të zhvillojë zgjedhjet vendore edhe pa opozitën. Kryeministri Rama e ka deklaruar shpesh herë që PS-ja synon që të fitojë të 61 bashkitë, sidomos tani që në shumicën e tyre do të konkurrojë pa kundërshtarë, por edhe në ato bashki, ku ka konkurrentë, ato kandidatura janë formale. E megjithatë, ka edhe një arsye më shumë, që PS-ja do të zhvillojë zgjedhjet vendore pa opozitën. PS-ja, kësisoj, do të fitojë 85 % të fondeve financiare shtetërore, që do jepen për zgjedhjet vendore të 30 qershorit. Kuvendi ka përjashtuar, Partinë Demokratike dhe Lëvizjen Socialiste për Integrim nga përfitimi i fondeve që rrjedhin nga buxheti i shtetit për partitë politike që garojnë në 30 qershor. Për zgjedhjet lokale, Kuvendi ka vendosur që Komisioni Qendror i Zgjedhjeve ti shpërndajë partive politike të regjistruara një fond prej 65 milionë lekësh të reja. Projektvendimi i miratuar në seancën e fundit parlamentare sanksionon se sasia e fondit nga buxheti i shtetit do t’u akordohet atyre partive partive politike të regjistruara si subjekte zgjedhore, ndërsa mbetet e pa përcaktuar mënyrën se si do të ndahet kjo vlerë. 5 % e këtij fondi shkon për partitë politike që hyjnë për herë të parë në zgjedhje, ku përfituese do të jetë edhe Bindja Demokratike e krijuar së fundmi nga Astrit Patozi.