Deputetja e LSI-së, Silva Caka ka reaguar me anë të një statusi ne lidhje me përplasjen e studentëve me policinë, ku është shprehur se nuk e di me cilën fytyrë del ende dhe flet për platforma dhe dialog me studentët, kur ti e tregove shumë mirë se ç’lloj qasjeje ke ndaj tyre!
Statusi i plotë:
Kryeministri që urdhëron rrahjen e studentëve natën, na del ditën dhe flet për platforma studentësh!?
Nuk e di me cilën fytyrë del ende dhe flet për platforma dhe dialog me studentët, kur ti e tregove shumë mirë se ç’lloj qasjeje ke ndaj tyre!
Kryeministër poliformë që mishëron çdo shpërfaqje të të keqes:
– ti që u vendos qytetarëve taksa për rrugët e rrugët nuk ua mirëmban, duke i lënë të vdesin nga ngrica e dëbora;
– ti që u “fale” familjeve në ndihmë ekonomike dekodera dhe pak muaj më vonë, i hoqe nga skema e ndihmës ekonomike, pikërisht për faktin që ishin të pajisur me dekodera “luksi”;
– ti që natën çon Policinë e Shtetit t’i rrahë studentët dhe ditën del e flet për platforma?!?!?!
Ti bën shumë të këqija natën dhe ditën përgjërohesh e lëshon lotë krokodili!
Ti je forma më e keqe e qeverisjes! Ti je i urryeshëm, i neveritshëm, i pështirë!
Unë nuk kam aspak ndërmend të të bëj thirrje ndërgjegjësuese që të ndalosh sulmet ndaj studentëve, se ashtu ndihesh i fuqishëm ti e çoç të duket vetja; unë do rri e do shikoj, pasi kam bindjen që dita kur do të varesh me kokën poshtë në mes të sheshit e do të pështyhesh si Mussolini, nuk do të jetë e largët!
Kam bindjen që ata që do të të varin e do të të pështyjnë, do të jenë pikërisht studentët!
