Reagimi i kryeministrit Rama: Protesta e Biznesit të Vogël u nxit nga politikanët pa atdhe

606
Kryeministri Edi Rama ka reaguar pas protestës së biznesit të vogël në vend, ku në shenjë kundërshtie kundër skemës së TVSH ata ulën qepenat për 1 orë. Përmes një statusi në faqen e tij të ‘Facebook’ Rama e cilësoi protestën një tallje nga njerëzit e politikës, duke shigjetuar kështu opozitën. Kreu i qeverisë tha se biznesi i vogël është i përjashtuar nga taksa, për sa i përket TVSH-së, kryeministri thotë se ajo nuk dëmton biznesin e vogël, por kontrollon biznesin e madh. “Protesta e uljes së qepenave në tregjet bashkiake tallje e madhe me njerëzit nga politikanët pa atdhe! Sepse tregjet JANË JASHTË SKEMËS së TVSH! Ne bëmë ZERO taksën e Biznesit të Vogël dhe futja në TVSH e të vegjëlve nuk rrit aspak barrën mbi ta, po siguron kontrollin e të mëdhenjve”, pohon Rama. 

Kujtojmë se biznese në Tiranë, Berat, Fier, Gjirokastër, Lezhë dhe Shkodër bizneset mbyllën dyqanet, pasi janë kundër pagesës së TVSH. Dhjetëra qytetarë pohuan sot se po falimentojnë për shkak të taksave.
Sigal