Rama: Vizita e Meimarakis forcon urat e bashkëpunimit rajonal

40

Kryeministri Rama priti në një takim, Kryetarin e Parlamentit të Greqisë Vangelis Meimarakis, i cili ndodhet për një vizitë zyrtare në Tiranë.

Duke shprehur kënaqësinë e ndërsjellë për këtë takim, të dy personalitetet vlerësuan marrëdhëniet shumë të mira që  ekzistojnë mes vendeve dhe shprehën vullnetin e përbashkët  për  konsolidimin e tyre të mëtejshëm. Kryeministri Rama u shpreh se vizita e zotit Meimarakis në Tiranë, edhe në kuadër të nismës Adriatiko-Joniane, i shërben forcimit të urave të bashkëpunimit rajonal dhe zhvillimit të projekteve të përbashkëta mes vendeve të rajonit Kryeministri Rama shprehu mirënjohjen për mbështetjen që Greqia i ka dhënë dhe vijon t’i japë Shqipërisë për përparimin e axhendës evropiane. Ndërsa zoti Meimarakis, teksa rikonfirmoi se Greqia mbështet plotësisht përpjekjet e Shqipërisë për integrim në BE, u shpreh se një nga objektivat e Presidencës greke të Këshillit të BE, është që Shqipëria deri në muajin qershor të ketë një raport pozitiv për marrjen e statusit të vendit kandidat. Biseda u përqendrua mbi zhvillimet rajonale ku u theksua se bashkëpunimi i frytshëm mes vendeve të rajonit, i shërben prosperitetit të vendeve, si dhe ruajtjes dhe forcimit të paqes dhe stabilitetit.