Mesa duket kryeministri Edi Rama do të përballet me protesta në çdo dalje jashtë Tiranës.
Në kuadër të turit ‘Bashkia që duam’ Rama ka vizituar sot qytetin e Beratit. Sikurse ndodhi në Fier, qytetarët e Beratit e kanë pritur kryeministrin me protesta.
Protestuesit ndodhen në lagjen “Kombinat”, që ndodhet në pjesën hyrëse të qytetit.
Ata e kanë pritur kryeministrin me pankartat “Rama dorëzohu”, “Rama ik”.
Sikurse ndodhi fundjavën e kaluar në Fier, forca policie janë angazhuar për të mbajtur protestën nën kontroll.