Kryeministri Edi Rama ka prezantuar sot Paktin Kombëtar të Mirëqënies nga Shtëpia e Fëmijës “Zyber Hallulli” në Tiranë.
Rama ka kujtuar ën fjalimin e tij se deri dje ndihma ekonomike ishte shfrytëzuar për të blerë votën e më të varfërve ndërsa tani, “jo se është e mjaftueshme, por është rritur tre herë dhe iu ëhstë hequr atyre që bridhnin me makina dhe kishin vila, punë dhe rroga.”
Kryeministri theksoi se nuk mund të thuhet se “janë të gjitha njesoj” duke sjellë si shembull faktin se qeverisja e tij shpëtoi sistemin e sigurimeve shoqëore, që ishte kthyer në një patatet të nxehtë që qeveritë ia hidhnin njera-tjetrës derisa t’i plaste dikujt në dorë. Por, me reformën e vështirë të bërë këto 4 vjet, ai sistem e kaloi krizën e kolapsin që rrezikonte.
