Kryeministri Edi Rama, gjatë vizitës së tij në Vlorë ka ndaluar për të drekuar me një grup peshkatarësh. Dhe ashtu siç e do zakoni shqiptar, në tryezë nuk mund të mungonte rakia dhe dollia.
Por pas ca gotave raki, fillon dhe i do më shumë njerëzit, qofshin këta edhe kundërshtarë politikë, pasi Rama ka ngritur dhe një dolli për kreun e opozitës Lulzim Basha.
“Hajde ngremë një dolli tani, do pimë për Bashën në Mallakastër. Dhëndër Tepelene e kemi, kur shkon në Hollandë thotë jam holandez, kështu që gëzuar”, -tha Rama.
Më tej kreu i qeverisë ju ka premtuar peshkatarëve se do tu vijë në ndihmë për zgjidhjen e problemeve.