Pesë komunitetet fetare i luten Holandës, të mos rikthejë vizat, për të ndihmuar kryeministrin Rama
Petraq Barjami
Dje, menjëherë, pasi shqiptarët u informuan për votimin e 108 deputetëve holandezë, për vendimin që Shqipërisë t’i rikthehen vizat edhe në Zonën ‘Shengen’, mediat qeveridashëse filluan aksionin për mbrojtjen e qeverisë së Rilindjes Socialiste, duke luajtur kartën “e problemeve të brendshme” të Holandës dhe se motivet dhe shkaqet pse 2/3 e deputetëve të Holandës votuan kundër Shqipërisë nuk atakojnë keqqeverisjen e kryeministrit Rama. Pra, sipas tyre, edhe pse opinioni publik shqiptar po gëlon për këtë zhvillim jo pozitiv, ky Ndërkohë, që deputetët socialistë, nga ana e tyre fajësuan Opozitën shqiptare, madje Taulant Balla shkoi deri aty sa tha se deputetja holandeze që propozoi rikthimin e vizave është shoqja e Lulzim Bashës, duke harruar se janë 108 deputetë holandezë që votuan nga 150 deputetë që ka parlamenti holandez.
5 bashkësitë fetare i luten Holandës: Ndihmoni kryeministrin Rama!
Ndërkohë dje, 5 bashkësitë fetare i kanë dërguar, së bashku, një letër ambasadores holandeze në Shqipëri dhe i luten, që të përcjellin tek qeveria e tyre lutjet dhe mëshirën që Holanda të mos rikthejë vizat për Shqipërinë. Në këtë letër të 5 bashkësive fetare, ndër të tjerat thuhet:
Komiteti ndërfetar i kërkon ambasadores që të ndikojë pranë qeverisë së saj për të “penguar këtë nismë kundër popullit tonë të ndershëm dhe europëdashës”. “Lëvizja e lirë me vendet e BE ka shërbyer për emancipimin e shoqërisë sonë duke bërë progres të vazhdueshëm e të gjithanshëm për t’u integruar plotësisht në Bashkimin Evropian.
Qeveria i shpërblen 5 bashkësitë fetare
Ashtu siç thotë edhe populli ynë: Nderi me nder lahet, qeveria ua njeh për mirënjohje lutjet që bënë 5 komunitetet fetare ambasadores holandeze dhe, menjëherë, qeveria dje miratoi edhe një fond prej më shumë se 1 miliard lekë, për këto 5 komunitetet fetare. Thua ta besojmë se ky vendim i qeverisë është rastësisht, sot, kur komunitetet fetare iu lutën ambasadores holandeze? Apo, mos vallë qeveria me këto fonde shpërblen edhe komunitetet fetare, që heshtën kur Policia zaptoi xhaminë dhe e përdori atë si garnizon policor kundër protestuesve para parlamentit? Qeveria përcaktoi dje masën e financimit për bashkësitë fetare që kanë nënshkruar marrëveshje me të. Në vendim përcaktohet që masa e financimit prej 109 000 000 lekësh, nga buxheti i vitit 2019, e miratuar për të mbështetur financiarisht bashkësitë fetare, të përdoret, si më poshtë vijon:
- a) Komuniteti Mysliman i Shqipërisë përfiton shumën 31 824 000 lekë, të ndarë në: 11 544 000 lekë.
- b) Kisha Ortodokse Autoqefale e Shqipërisë përfiton shumën 25 740 000 lekë.
- c) Kisha Katolike në Shqipëri përfiton shumën 25 740 000 lekë.
ç) Kryegjyshata Botërore Bektashiane përfiton shumën 25 696 000 lekë dhe 14 640 000 lekë, për ndërtimin e Teqesë së Elbasanit;
- . 7 000 000 lekë, për shkak të pozitës së veçantë, si Kryegjyshatë Botërore, me qendër në Tiranë.