Qeveria e re e Kosovës, nesër takim i radhës mes LDK e Vetëvendosjes

117

Ditën e nesërme pritet që grupet punuese të Lëvizja Vetëvendosje dhe Lidhja Demokratike e Kosovës do të mblidhen në një takim në kuadër të krijimi të qeverisë së re.

Takimi do të zhvillohet në selinë e Lëvizjes Vetëvendosje, duke filluar nga ora 15:00. Zyra e shtypit të VV-së pohoi për Express se nesër do të bisedohet për çështjet sociale.

“Ekipet punuese nesër flasin për çështjet sociale, energjetikë, rini dhe kulturë”, thuhet në përgjigjen e VV-së. Grupet punuese pothuajse janë në përfundim të punës së tyre dhe pastaj i mbetet kryetarit të VV-së, Albin Kurti dhe atij të LDK-së, Isa Mustafa të dakordohen rreth propozimeve të këtyre grupeve, si dhe t’i ndajnë përgjegjësitë qeverisëse.