Pse deputetët “e pavarur” nuk mund të konsiderohen në asnjë rast si Opozitë Parlamentare!

426
Sigal

Nga Avokati Altin Goxhaj

Pse deputetët “e pavarur” nuk mund të konsiderohen në asnjë rast si Opozitë Parlamentare! Pse Shqipëria është Rasti i Tretë në Botë i një Parlamenti Monopartiak (Rasti 1. Koreja e Veriut; Rasti 2. Kuba; Rasti 3. Shqipëria). Sipas Ligjit aktual Elektoral Partitë kandidojnë me lista kandidatësh të partisë! Votuesin votojnë Partinë dhe jo kandidatin. Kandidati që përfshihet në përqindjen fituese merr mandatin e deputetit. Ligjërisht vetëm 2 parti kanë marrë vendim për të dorëzuar mandatet (partitë aleate ligjërisht nuk ekzistojnë si fituese, pasi janë kandiduar me logon e PD ose LSI). 2 partitë PD dhe LSI përbënin Opozitën parlamentare qysh prej 2017 dhe ato kanë marrë vendimin për dorëzim mandatesh dhe deputetët e tyre kanë dorëzuar mandatet. Pra, nëse Partia merr vendim ligjor dhe politik për dorëzim mandatesh dhe kjo shoqërohet me dorëzim mandatesh nga deputetët e listës, ata që i pranojnë nuk përfaqësojnë më as partinë që i kandidoi dhe as elektoratin që votoi partinë pra janë deputetë që përfaqësojnë vetëm veten e tyre, ndryshe quhen ligjërisht “të pavarur”! Pra Parlamenti ka vetëm 1 parti: Partinë Socialiste (ish PPSH e diktaturës komuniste monopartiake, e cila ishte PKSH e krijuar nga Partia Komuniste Jugosllave në 1941) dhe ka disa deputetë “të pavarur” (nuk përfaqësojnë ligjërisht asnjë parti pasi PD dhe LSI kanë marrë vendim për dorëzim mandatesh) dhe ligjërisht dhe teknikisht nuk përfaqësojnë as elektorat, pasi elektorati ka votuar vetëm për 2 logot e partive përkatëse që nuk i njohin as ata as vetë Parlamentin (PD dhe LSI). Konkluzion: I pari, Deputetët “e pavarur” nuk mund të konsiderohen në asnjë rast si opozitë parlamentare! I dyti, në Shqipëri kemi parlamentin e tretë monopartiak në botë: 1. Koreja Veriut, 2. Kuba, 3. Shqipëria. Kaq mjafton për të gjithë ndërkombëtarët që nuk janë dakord as me regjimin e Koresë së Veriut dhe as me regjimin e Kubës por janë dakord me regjimin e Tiranës! Kjo nuk vlen fare për shqiptarët pasi kanë neveri për të gjithë klasën politike që është autore bashkëfajtore e përbashkët e krijimit të Rastit të Tretë në botë të një Parlamenti Monopartiak dhe e instalimit të Diktaturës së Tretë në Planet!