Kryeministri Edi Rama ka ndryshuar datën e hapjes së fushatës për zgjedhjet vendore. Rama në letrën dërguar Bashës, lajmëron se fushata e Partisë Socialiste do të hapet në datën 1 qershor, meqenëse opozita do të protestojë në 31 maj.
“Post Scriptum: Meqë lajmëruat grumbullimin e radhës në 31 maj, shtabi ynë elektoral vendosi ta spostojë në 1 qershor mitingun e çeljes zyrtare të fushatës – kollaj, nuk ishte një datë si ajo zgjedhjeve që s’e kemi ne në dorë“, – thuhet në fund të letrës që Kryeministri i ka dërguar Lulzim Bashës.
Mbetet për tu parë nëse opozita do të protestojë në 31 maj, apo do ta ndryshojë edhe ajo datën.