Protesta e opozitës/ Meta: Mungesa e dialogut mes palëve politike, cënon negociatat

66

Presidenti i vendit, Ilir Meta disa orë para fillimit të protestës së opozitës, deklaron se mungesa e dialogut mes palëve politike cënon procesin e integrimit të vendit në BE.

Gjatë një pronnocmi për mediet, Meta shprehet se kjo mungesë dialogu ka sjellë edhe këtë situatë jo funsionale të drejtësisë, teksa vë theksin tek mungesa e Gjykatës Kushtetuese.

Kam komunikuar në vazhdimësi me kryeministrin apo ish-ministrin e Jashtëm për rëndësinë e bashkëpunimit me opozitën në mënyrë të vazhdueshme dhe për domosdoshmërinë për të demonstruar se procesi i integrimit europian është një përgjegjësi e përbashkët dhe për ta konkretizuar me veprime të përbashkëta që menjëherë pas vendimit të Këshillit në qershorin e kaluar për të rivlerësuar çeljen e negociatave pas një viti.

Më vjen keq të them se mungesa e dialogut të brendshëm politik jo vetëm që cenon seriozisht këtë mundësi por edhe ka sjellë këtë situatë të përgjithshme jo funksionale të drejtësisë, sidomos mungesa e gjykatës Kushtetuese ka qenë një problem i madh dhe vazhdon të mbetet.

Gjithë ky proces me shumë aspekte të tjera kanë bërë për fat të keq të pamundur funksionimin e ligjit në vend por edhe njëkohësisht edhe funksionimin e garancive kushtetuese demokrative për të gjithë, përfshirë edhe qytetarët e thjeshtë dhe interesat e tyre dhe të drejtat e tyre të cilat në letër i garanton më së miri Kushtetuta e Shqipërisë por që në praktikë e shohim që kanë mbetur pa mbrojtje“, tha presidenti Meta.