Prof. Arben Malaj kundër koncesionit për rrugën Tiranë-Durrës
Prof. Arben Malaj, ish ministri i Financave të PS-së dhe Neritan Sejamini shprehen kundër koncesionit për rrugën Tiranë-Durrës. Prof. Malaj shton se frenimi i PPP-ve duhet të jetë edhe pjesë e paketës nëse do të kemi një marrëveshje mes palëve për zgjidhjen e krizës politike. Arben Malaj: Pjesë e paketës kur të bëhet marrëveshja është që të ngrijnë të gjitha prokurimet dhe marrëveshjet për të aplikuar gjithnjë e më shumë PPP në Shqipëri. Të gjitha institucionet shikojnë risqe të larta. Qeveria nuk ka asnjë ngutje për të zgjeruar rrugë. Qeveria të merret me shkollat e Tiranës, të mos i tatojë dy herë. Mos të lërë pa bukë , pa drita dhe pa ujë asnjë shqiptar. Shqipëria nuk është aq e varfër ekonomikisht, është varfëruar shpirtërisht. Neritan Sejamini: Rama po përpiqet të kapë gjithë pushtetin ekonomik të Shqipërisë. Për 30-40 vjet, pikat kryesore ekonomike të Shqipërisë do të jenë në dorë të një grushti njerëzish. Duke pasur pushtetin ekonomik ti pastaj kontrollon pushtetin politik.