Policët në lirim protestë para Ministrisë së Brendshme: Të largohet ministri Xhafaj

189

Policët në lirim kanë zhvilluar një protestë para Ministrisë së Brendshme, ku kërkojnë largimin e ministrit Fatmir Xhafaj. Kreu i kësaj shoqate, Aleks Hajdari tha se krimi është në duart e ministrisë, pasi sipas tij dy ministra kanë lidhje me drogën. Aleks Hajdari tha se Fatmir Xhafaj duhet të kalojë procesin e vettingut si gjithë anëtarët e policisë.

“Unë falënderoj anëtarët që mbështetin iniciativën për të zhvilluar këtë protestë si dhe kolegët në detyrë pavarësisht situatës që po kalon policia. Arsyeja është se ne po protestojmë për një gjë të paparë në histori, ku ministria dhe policia drejtohen nga dy ministra, Saimir Tahiri që është i akuzuar për lidhje ma Habilajt në trafikun e drogës si dhe Fatmir Xhafaj, vëllai i tij i dënuar për trafik droge.

Policët kanë dalë në lirim në kundërshtim me ligjin. Jo e gjithë policia është e inkriminuar. Na vjen një ministër me shpatën vettingut, i cili ka vëllain e tij të dënuar për trafik droge dhe drejton Ministrinë e Brendshme. Fatmir Xhafaj duhet të bëjë vettingun si çdo anëtar i policisë.”- tha kreu i shoqatës së policëve në lirim.
protesta-te-ministria-e-brendshme-1