Petrit Vasili sulmon Ramën me poezinë e Ali Asllanit: Hakërrim…

281

Kreu i deputetëve të LSI-së, Petrit Vasili ka komentuar zhvillimet e sotme politike. Duke u ndalur në deklaratën e kryeministri Edi Rama në grupin parlamentar, Vasili thotë se kreu i qeverisë është i kapur nga krimi.

Në komentin e tij në Facebook, pas kritikave ndaj Ramës, Vasili ka postuar dhe poezinë e njohur të poetit Asi Asllani, “Hakërrim”. Poezia është një himn kundër zyrtarëve dhe qeveritarëve të korruptuar, e cila sipas Vasilit, i përshtatet kohës në të cilën po jetojmë.

Postimi i plotë në Facebook i Pertit Vasilit:

“Kryeministrin sot e vuri perfundi krimi.Ai se andejmi nuk leviz dot më, e kane zene per fyti,e shantazhojne, e tallin, e perçmojne, e perdorin dhe ai vjedh per ta, genjen per ta, vret per ta, shkaterron per ta. Por nuk shpeton dot, nuk vrapon dot se eshte frymepaket dhe ligsht i frikur. Fatin tanime s’e ndryshon dot, eshte shume shume vone dhe ai e di…me mire se ata..

HAKËRRIM

Që nga Korça gjer te Shkodra mbretëron një errësirë, 
nëpër fusha, nëpër kodra, vërshëllen një egërsirë!
Pra, o burra, hani, pini, hani, pini or’ e ças,
Për çakallin, nat’ e errët, është ras’ e deli ras’!

Hani, pini dhe rrëmbeni, mbushni xhepe, mbushni arka,
të pabrek’ ju gjeti dreka, milionier’ ju gjeti darka!
Hani, pini e rrëmbeni, mbushni arka, mbushni xhepe,
gjersa populli bujar t’ju përgjigjet: peqe, lepe!
Hani, pini dhe rrëmbeni, është koha e çakenjvet;
hani, pini e rrëmbeni, ësht’ bot e maskarenjve;
Hani, pini, vidhni, mblidhni gjith’ aksione, monopole,
ekselenca dhe shkëlqesa, tuti quanti come vuole!
E na tunde, na lëkunde, nëpër salla shkon e shkunde,
mbasi dora e armikut ty me shok’ të heq për hunde.
Rroftë miku yt i huaj, që për dita los e qesh,
të gradoi katër shkallë, pse i the dy fjal’ në vesh!
Koha dridhet e përdridhet, do vij’ dita që do zgjidhet
dhe nga trasta pem’ e kalbur doemos jasht’ do hidhet!
Koha dridhet e përdridhet, prej gradimit katër shkallë
nuk do mbetet gjë në dorë veç se vul’ e zezë në ballë!
Dhe kujtoni tash e tutje me të tilla dallavera
kukuvajka do përtypi zog e zoga si përhera…
Ja, ja grushti do të bjeri përmbi krye të zuzarve,
koha është e maskarenjve, po Atdheu i shqipëtarve!”