Dorëheqjet e kryeministrave të Anglisë dhe Austrisë, Theresa May dhe Sebastian Kurz, si dhe dorëheqja e një ministreje meksikane kanë sjellë edhe reagimin e nënkryetarit të LSI, Petrit Vasili.
Ky i fundit, përmes një postimi në rrjetet sociale, shkruan se, “dorëheqjet për shkak të standarteve të larta të politikës parimore nga Austria, Anglia edhe nga Meksika e largët janë prova,që ndan një politikan nga një sharlatan”.
Postimi i plotë i Petrit Vasilit:
Ministrja e Meksikës dorëhiqet për parime, ndërsa Rama shkruan përçartje mëngjesore!?
Dorëheqjet për shkak të standardeve të larta të politikës parimore nga Austria,Anglia edhe nga Meksika e largët janë prova,që ndan një politikan nga një sharlatan.
Dihet pse dha dorëheqjen Kurz dhe May.
Por sot vjen një shembull i jashtëzakonshëm nga Meksika.
Lexojeni arsyen e dorëheqjes së ministres së mjedisit të Meksikës dhe kuptoni çfarë kryeministri është Edi Rama dhe çfarë standardesh morale dhe politike mizerabël e udhëheqin tek zvarritet turpshëm nëpër letra të çartura,që vijnë erë injorance e mediokritet dhe myk padijeje.
Josefa Gonzalez Blanco Ortiz Mena, ministre e Mjedisit dhe Burimeve Natyrore të Meksikës dha dorëheqjen pasi ajo kishte shkaktuar një vonesë për udhëtarët,që udhëtonin në atë aeroplan dhe ekuipazhin e saj.
Gonzalos deklaroi dorëhjen dhe tha: “Nuk ka asnjë justifikim. Askush nuk duhet të ketë privilegje dhe përfitimet e një personi, madje edhe në kryerjen e detyrave të veta, nuk mund të jenë mbi mirëqenien e shumicës”.