Partia Demokratike me anë të deputetes së saj Eleina Qirici, në një deklaratë për mediat ka akuzuar sërish kandidatin e majtë për kryetar bashkie, Erion Veliaj se mashtroi duke premtuar se do luftonte varfërinë duke krijuar mundësi integrimi kategorive në nevojë. Sipas saj, sot Veliaj si ka ofruar gjë tjetër këtyre njerzve përvecse i ka mashtruar. Si papagall i Ramës që vetëm flet, nuk ka realkizuar asnjë punë, duke i detyruar njerzit që si rrugëzgjidhje të shohin eksodin.
“Sot është koha për t’u përballur me faktet e jo fjalët. Njerëzit janë të lodhur nga përsëritja e premtimeve të pambajtura të Erion Veliajt të dy viteve më parë, dhe që përsëriten tani me ambalazh të ri për Tiranën. Në 2013-ën Erioni premtoi: “Përllogaritje me shpejtësi e minimumit jetik, si hapi i parë i rëndësishëm për të luftuar varfërinë dhe krijuar mundësi integrimi kategorive në nevojë.” Ky premtim doli veç fjalë boshe dhe mashtrim. Pse nuk është llogaritur minimumi jetik për të luftuar varfërinë? Erion Veliaj ishte Ministri përgjegjës për të përmbushur këtë PREMTIM, si edhe dhjetëra premtime të tjera që po ia përmendim çdo ditë qysh prej 3 javësh dhe ia publikojmë në website. Ai kishte në dispozicion plot 40% të buxhetit të shtetit por përsëri nuk punoi as një ditë të vetme për të realizuar këtë gjë. Erioni premtoi, por i pati vetëm fjale dhe i mashtroi të gjithë shqiptarët.
Sot njerëzit në nevojë ndihen të mashtruar nga papagalli i Edi Ramës që vetëm flet, por nuk realizon asnjë punë. Njerëzit në nevojë po gjejnë si rrugëdalje vetëm eksodin e tmerrshëm që e kishim harruar prej 25 vitesh. Erioni ka veç fjalë por nuk punon për hallet e njerëzve, nuk shpall minimumin jetik dhe nuk lufton varfërinë, duke bërë që premtimi i papagallit të Ramës të mbetej veç fjalë dhe mashtrim.
Erioni prapë premton sot veç për të marrë pushtet dhe nuk e ka problem t’i mashtroje sërish qytetarët sapo ta ketë pushtetin. Ka 3 javë që çdo ditë po i kujtojmë Erionit nga një tjetër premtim të thyer dhe nga një tjetër mashtrim. Votuesit nuk janë lodra që të mashtrohen përsëri”, deklaroi Qirici.
