Gjykata Kushtetuese do të shqyrtojë me 23 nëntor kërkesën ankimore të Partisë Demokratike për konstatimin si të papajtueshëm të ushtrimit të mandatit të deputetit Koço Kokëdhimën.
“Gkykata vendosi që ta pranojë kërkesën për të marrë pjesë si subjekt i interesuar deputeti Koço Kokëdhima në seancë dhe të shtyjë seancën gjyqësore me datë 23 Nëntor ditë e Hënë ora 10”- tha Bashkim Dedja
Avokati i deputetit kërkoi që të ishte palë në këtë proces, kërkesë kjo që u kundërshtua nga Partia Demokratike. Avokati Ivi Kaso tha se çështja është shqyrtuar në themel nga Kuvendi dhe vendimi i këtij institucioni sipas tij është në kundërshtim me kushtetutën.
“Dhe për sa kohë Kuvendi i Shqipërisë është i përfaqësuar dhe mbi të gjitha për sa kohë objekti kryesor i kërkesës tonë është kundërshtimi i vendimarrjes abuzive të Kuvendit të Shqipërisë çmojmë se nuk janë rrethanat për të pranuar dhe palë të tjera të interesuara”-tha avokati Kaso
“Deputeti Koço Kokëdhima është kërkuar me kërkesë drejtuar kësaj gjykate që të marrë pjesë në gjykimin kushtetues me cilësinë e subjektit të interesuar”-tha avokati I deputetit
Në korrik të këtij viti PD i’u drejtua Gjykatës Kushtetuese duke kundërshtuar vendimin e Kuvendit për mosdërgimin në kushtetuese të çështjes. Neni 70 i Kushtetutës parashikon që deputetët nuk mund të kryejnë asnjë veprimtari tjetër fitimrurëse nga buxheti i shtetit, dhe se në rast se shkelet ky parashikim i këitj neni, kuvendi i drejtohet Gjykatës Kushtetuese. Në kërkesën e tyre demokratët shprehen se maxhoranca me forcën e kartonëve nuk e çoi këtë çështje në Kushtetuese.
