PD mbron Mziun, sulmon kandidatin e PS-së për Kamzën: Vodhi bankën

43
Partia Demokratike ka akuzuar kryeministrin Edi Rama, se ka ndikuar në vendimin e gjykatës ndaj kryetarit të Bashkisë së Kamzës, Xhelal Mziu. Deputeti Gerti Bogdani gjithashtu ka hedhur akuza ndaj kandidatit të PS për Kamzën, Safet Gjici. 
“Kandidati i PS për Kamzën, Safet Gjici, është i përfshirë në grabitjen e 6 milionë eurove, ngjarje e cila është fshehur. Por PD do të hetojë dhe do të hedhë dritë mbi ngjarjen dhe mbi fshehjen e saj”, ka thënë Bogdani.
Deklarata e plotë e Gert Bogdanit
Edi Rama është prej disa ditësh nën akuza tronditëse, për abuzime me fondet publike me dhjetra mijë euro me klientin e tij belg, ndaj të cilit ka nisur hetimi penal, dhe i vetmi reagim i tij është sulmi ndaj opozitës.
Eshtë nën akuzë tronditëse sepse po kandidon për Bashkinë e Krujës, trafikantin e arrestuar për drogë në Itali, të cilin më parë e bëri deputet. Por sërish ai nuk mban asnjë përgjegjësi, por sulmon opozitën. Kryeministri sulmon opozitën për kandidatin e Kamzës, pasi ka ndërhyrë vetë drejtpërdrejt duke manipuluar e duke sajuar një proces të paqënë ndaj tij, pa prova e pa fakte.
Kandidati i opozitës akuzohet nga Edi Rama për një tender që nuk është bërë kurrë, ku nuk ka asnjë dëm ekonomik, ku nuk ka asnjë pasojë. Çfarë ka, është vetëm skema e Edi Ramës përmes segmenteve të kapura prej tij dhe presionit te tij në prokurori e gjykatë, për të eleminuar kundërshtarin në një Bashki të rëndësishme, pra një përpjekje për ta arritur Kamzën në tavolinë, pa garë.
Dhe këtë e bën ai që ka zhpenzuar dhjetra mijë euro nga fondet publike te Bashkise se Tiranes me pare dhe te Qeverise tani, duke ia dhuruar mikut e tij belg, kur për këtë ka nisur hetimi në Bruksel.
Po kush është kandidati i z.Rama për Kamzën; ndërkohë që sulmon opozitën.
Eshtë Safet Gjici, për të cilin kemi sot disa pyetje;
-A ka dijeni ai për grabitjen e 6 milionë eurove në mes të ditës nga një bankë në Tiranë?
-Pse kompania e tij e sigurimit, dështoi në mënyrë spektakolare dhe nuk bëri asnjë përpjekje për të ndaluar grabitjen?
-Pse vëllai i tij, pjesë e eskortës së sigurimit nuk u mbajt asnjë ditë në burg?
-Pse policia e ka varrosur si çështje duke mos bërë asnjë hap edhe pse kjo është një nga grabitjet më të mëdha të bëra në Shqipëri?
-A janë të mjaftueshme për Gjicin 6 milionë euro për të fituar mandat kryebashkiaku?
Partia Demokratike angazhohet sot se do ta zbardhë këtë ngjarje të rëndë, dhe do të gjejë përgjegjësit dhe autorët e vërtetë të grabitjes.
Partia Demokratike i bën të qartë Edi Ramës, se asnjë marifet i tij kriminal, që nga persekutimi i kundërshtarit me anë të drejtësisë së kapur prej tij, e deri tek kandidimi i një personi ndaj të cilit ka kaq shumë dyshime për grabitjen e 6 milionë eurove që do të përdoren në fushatë, nuk do ta ndihmojnë atë përballë humbjes së sigurtë, në Kruje, ne Kamëz, e kudo në Shqipëri. – See more at: http://shqiptarja.com/Politike/2732/pd-mbron-mziun-sulmon-kandidatin-e-ps-se-per-kamzen-vodhi-banken-285119.html#sthash.Ycha2pg5.dpuf