Kryesia e Partisë Demokratike ka miratuar në mbledhjen e fundit të Kryesisë së saj sekretarët e degëve të PD-së në Tiranë dhe në rrethe. Propozimet për sekretarët i kanë bërë koordinatorët e PD-së dhe kryetarët e degëve. Në votën e anëtarëve të Kryesisë kanë kaluar 53 emrat e sekretarëve të degëve në rrethe dhe të 13 sekretarëve të degëve të Tiranës. Siç mësohet, më parë kreu i PDsë Lulzim Basha ka zhvilluar takime me kryetarët e degëve të Tiranës, ku janë diskutuar emrat të cilët do të emëroheshin në postin e sekretarit. Ndërsa procesi për përzgjedhjen e emrave për rrethet është zhvilluar përmes konsultimeve me koordinatorët e PD-së. Sipas statutit të PDsë, sekretarët do të kenë detyrë zbatimin e vendimeve të Kryesisë së PDsë. “Sekretari ka për detyrë zbatimin e vendimeve të instancave qendrore të Partisë në rrethin përkatës. Ai organizon zgjedhjet në parti. Çdo vit ai mban një raport të detajuar të punës së tij në kryesinë e rrethit, sipas kushteve që përcaktohen në rregulloren e brendshme të partisë”,- thuhet në nenin 28 të statutit të PD-së. Ndërsa përcaktohet se sekretari i partisë emërohet nga Kryesia e PDSH-së. Po ashtu, sekretarët do të kenë detyrë të monitorojnë financimet e degëve, për të cilat do të paraqesin një raport në çdo tre muaj. “Sekretari i degës i paraqet Kryesisë së degës një raport të veprimtarive, ku veçanërisht të përfshihen: anëtarësimet dhe financimi i partisë…”, thuhet në statutin e PD-së. Po ashtu, në statutin e PDsë është përcaktuar se raporti i hartuar prej sekretarit të degës miratohet nga kryesia përkatëse.
Tirana
Njësia 1- Ana Kadillari
Njësia 2- Lulzim Omuri
Njësia 5- Dorian Teliti
Njësia 8- Pëllumb Seferi
Njësia 9- Viola Bozo
Njësia 11- Pëllumb Gjuta
Rrethet
Vorë- Bashkim Koçi
Sarandë- Matilda Qurku
Berat -Namir Lapardhaja
Lushnje- Saimir Korreshi
Durrës- Bejana Burgia
Fier- Edison Mane
Kavajë- Mirazh Shkodra
Korçë- Devi Osmani
Vlorë- Bari Isufi
Shkodër- Aleksandër Marleci
Devoll- Xhensila Kapo
Mat- Nesir Rizvani
Elbasan- Bled Himçi
Kolonjë- Dhimitër Pina
Skrapar- Rigert Kapllani
Fushë-Krujë- Engjëll Çollaku
