PD: Edi Rama ka bllokuar reformën zgjedhore, kërkon të shkojë në zgjedhje me krim e para të pista

404
Sigal

Partia Demokratike kërkon të merret urgjentisht në diskutim platforma e saj për reformën zgjedhore duke paralajmëruar se nëse nuk bëhet nuk do ketë zgjedhje të lira më 18 qershor 2017.

Deputeti Oerd Bylykbashi tha se  kjo qeveri ka sabotuar në mënyrë të qëllimshme procesin e reformës zgjedhore vetëm që të vijmë në këtë pikë

Oerd Bylykbashi: Po bëhen 7 muaj kur maxhoranca, Edi Rama, kjo qeveri ka sabotuar në mënyrë të qëllimshme procesin e reformës zgjedhore vetëm që të vijmë në këtë pikë kur janë dekretuar zgjedhjet, ka nisur procesi i hartimit të listave dhe si asnjëherë më parë vetëm nën qeverisjen e Edi Ramës nuk është bërë asgjë për reformën zgjedhore edhe pse zgjedhjet janë tek porta.

Një nga masat do të ishte votimi elektronik dhe identifikimi biometrik i zgjedhësve

Për të bllokuar pikërisht këtë, Edi Rama e bllokoi reformën zgjedhore. Kemi kërkuar financim 100 % nga burime shtetërore të partive politike të fushatës zgjedhore për të hequr korrupsionin zgjedhor që vjen nga paraja e krimit dhe e korrupsionit qeveritar. Kemi kërkuar një numër masash që garantojnë barazinë në media dhe zhdukin problemet që OSBE/ ODIHR ka konstatuar.

Nëse platforma e PD-së nuk merret në shqyrtim urgjentisht pa vonesa të mëtejshme nuk ka garanci për zgjedhje të lira e të ndershme në 18 qershor të vitit që vjen. Insistojmë që platforma e PD-së të shqyrtohet dhe trajtohet sa më parë.

Të gjithë propozimet e maxhorancës nuk kanë asnjë lloj synimi për të trajtuar rekomandimet e OSBE/ ODIHR

Partia Demokratike ka prezantuar që më 17 maj të këtij viti një platformë të plotë për Reformën Zgjedhore. Eshtë një platformë e cila trajton në mënyrë shteruese të gjitha shqetësimet e rënda konstatuar OSBE-ODIHR-it dhe Komisionit të Venecias në zgjedhjet e fundit dhe që janë të domosdoshme për tu trajtuar në mënyrë që zgjedhjet e 2017 të jenë të lira dhe të ndershme. Eshtë një platformë e cila ka marrë vlerësimin më të mirë dhe më të madh nga partnerët ndërkombëtarë dhe për rrjedhojë, nga 17 maji e deri më sot, po bëhen 7 muaj gjatë të cilave maxhoranca, Edi Rama, kjo qeveri ka sabotuar në mënyrë të qëllimshme procesin e reformës zgjedhore vetëm e vetëm që të vijmë në këtë pikë ku janë dekretuar zgjedhjet, ka filluar procesi i hartimit të listave, procese të tjera zgjedhore dhe asgjë, si asnjëherë më pare, në qeverisjen e Edi Ramës nuk është bërë për reformën zgjedhore edhe pse zgjedhjet janë tek porta. 
Platforma e Partisë Demokratike ka kërkuar në mënyrë shumë të qartë të kriminalizohet shitblerja e votës, të merren të gjitha masat që kjo të bëhet e pamundur dhe një nga këto masa do të ishte votimi elektronik dhe identifikimi biometrik i zgjedhësve. Pikërisht për të bllokuar këtë, e bllokoi procesin e reformës zgjedhore. Kemi kërkuar financim 100 % nga burime shtetërore të partive politike dhe fushatës zgjedhore për të hequr korrupsionin zgjedhor që vjen nga paraja e krimit dhe korrupsionit qeveritar. Kemi kërkuar një numër masash të tjera që garantojnë barazinë në media dhe zhdukin problemet që OSBE-ODIHR-I ka konstatuar. 

Nëse platforma e paraqitur nga Partia Demokratike nuk merret në shqyrtim urgjentisht pa vonesa të mëtejshme nuk ka asnjë garanci për zgjedhje të lira dhe të ndershme në 18 Qershor të vitit të vjen. Prandaj ne do të insistojmë që kjo platformë të shqyrtohet dhe të trajtohet sa më parë. Të gjitha pretendimet apo propozimet që bëjnë partitë e maxhorancës nuk kanë asnjë lloj synimi për të trajtuar rekomandimet e OSBE-ODIHR-it. Edi Ramës ia kanë thënë në Berlin, Kancelarja Merkel, ia kanë thënë në Bruksel dhe do vazhdojnë tia thonë edhe këto ditë, dhe ia ka thënë edhe Uashingtoni zyrtar që duhet zbatimi i ligjit të dekriminalizimit i cili po bën një vit që është miratuar, dhe ndërkohë kemi Rroshin në detyrë  dhe Balilin e emëruar nga kjo qeveri, ende duke mos iu dorëzuar drejtësisë por mbrohet nga Edi Rama. Këto janë prova që ligji i dekriminalizimit është bllokuar nga Edi Rama. Po kështu, këto qendra të vendimarrjes botërore i kanë kërkuar Edi Ramës që të garantojë zgjedhje të lira e të ndershme. Nuk i shpëton dot këtyre kërkesave dhe për rrjedhojë sa më shumë e zgjat, zgjat edhe agoninë e tij. Shqiptarët patjetër duhet të kenë zgjedhje të lira e të ndershme.​