Pak ditë pas fyerjeve që u bëri gazetarëve në lidhje me çështjen ‘Tahiri’ kryeministri Edi Rama i është përgjigjur pozitivisht ftesës së Arian Canit për të qenë sonte i ftuar në emisionin e tij ‘Zonë e Lirë’.
Ashtu si e nisi emisionin kohë më parë kur ishin zgjedhjet e 25 qershorit, kur moderatori Arjan Çani i dhuroi një timon shoferi, pas deklaratave të shumta të kryeministrit Edi Rama për ta marrë timonin i vetëm, edhe kësaj here ka bërë të njëjtën gjë.
Në emisionin e sotëm të “Zonë e Lirë”, Çani i ka dhuruar një airbag. “Këtë ta mbash kur të përplasesh se të shpëton jetën,” i tha ai kreut të qeverisë.
Çani: E ke timonin që të dhurova?
Rama: Po e mora timonin
Çani: E ke për vete të gjithin?
Rama: Timonin tënd?
Çani: Po. Tani unë të kam sjellë këtë gje, e shef këtë?
Rama: Nuk më duket si timon? Është buri?
Çani: Është airbag që po të përplasesh të shpëton jetën
• Atletet e Ramës
Kryeministri Edi Rama ka rënë sërish në sy me lukun e tij dhe atletet që kishte veshur.
Çani: I ke All-Stars apo Superstars
Rama: S’ka rëndësi, mjafton të ketë yllin aty.
