Paralajmëroi se do padiste Salianjin, reagon PD: Rama ta shkarkojë menjëherë nga detyra Lefter Allën

146

Kryebashkiaku i Bulqizës, Lefter Alla, deklaroi se do të padiste ish-deputetin Ervin Salianji për publikimin e videos së tij.

Pas deklaratës së Allës, Sekretari i Përgjithshëm i Partisë Demokratike, Gazment Bardhi ka reaguar në një postim të bërë ne Facebook ku shkruan se kryeministri Edi Rama duhet ta shkarkojë Allën, sepse një përdorues kokaine ka njohje edhe me grupet kriminale të shpërndarjes.

Sipas Bardhit heshtja e Ramës do të provojë se Alla është zgjedhur në atë detyrë si përdorues kokaine dhe fshehja e këtij rasti dhe të rasteve të tjera është provë se kryeministri bashkë qeveris me krimin.

Postimi i Bardhit:

Ky është modeli i Edi Ramës, i cili ka detyrimin ligjor dhe përgjegjësinë politike ta shkarkojë menjëherë nga detyra Mr. Kokainën e Bulqizës.

Është qesharak dhe hilacak reagimi Lefter Allës për të paditur Partinë Demokratike pse media publikoi videon, ku ai provohet si përdorues i kokainës. Haluçinacionet nga përdorimi i kokainës apo mbrojtja nga shkarkimi prej Edi Ramës nuk e ndihmojnë dot.

Edi Rama ka detyrimin ligjor dhe përgjegjësinë politike ta shkarkojë menjëherë nga detyra Mr. Kokainën e Bulqizës. Edi Rama e di se një përdorues kokaine ka njohje dhe lidhje me grupet kriminale të shpërndarjes së saj.

Heshtja dhe mosveprimi i Edi Ramës është një tjetër dëshmi që përzgjedhja e Lefter Allës është bërë për shkak të cilësisë së tij si përdorues kokaine dhe lidhjeve të tij me grupet kriminale të shpërndarjes dhe shitjes së kokainës.

Fshehja pas përgjegjësisë individuale të Lefter Allës, Valdrin Pjetrit, Agim Kajmakut, Mark Babanit, Qerim Ismailajt apo Agron Malajt, është pjesë e strategjisë së Edi Ramës për të vazhduar bashkëqeverisjen me krimin. Këta i ka përzgjedhur dhe emëruar Edi Rama. Ky është modeli dhe ekipi qeverisës që Edi Rama i ofron shqiptarëve! Pa largimin e Edi Ramës nuk mund të ketë ndarje të politikës nga krimi!