Pak orë para nisjes së protestës së thirrur nga opozita kundër qeverisë “Rama”, qytetarë të shumtë janë nisur nga rrethe të ndryshme të vendit, nga veriu në jug.
Kështu raportohet se nga qarku Dibër janë nisur drejt Tiranës rreth 2500 persona e po kaq edhe nga Shkodra. Ndërkaq nga Gjirokastra mësohet se janë nisur 4 autobusë me rreth 400 persona pa llogaritur mjetet private. Nga Saranda rreth 200 persona dhe 100 nga Delvina.
Protestues nga Gjirokastra duke u nisur për në Tiranë Protestues nga Gjirokastra duke u nisur për në Tiranë
Nga Korça janë nisur rreth 2100 protestues të PD dhe 700 nga LSI. Rreth 2000 protestues janë nisur edhe nga Lezha. Raportimet nga Fieri flasin për rreth 3000 simpatizantë dhe qytetarë fierakë që janë nisur drejt Tiranës në protesetë. Ne dispozicion janë 25 autobusë në të gjithë bashkinë e Fierit, përfshirë njësitë administrative. Mësohet se do të ketë nisje nga disa pika si dhe nisje me mjete private.
Protesta ka mbledhur të gjitha partitë opozitare parlamentare, të cilat prej ditësh iu kanë bërë thirrje qytetarëve të mblidhen në Tiranë për të protestuar kundër situatës në vend dhe qeverisë.
