Ngrenë kartonin me urdhër të naltgjatësisë narkoman

480
10 akuzat më të famshme të ministrit të Brendshëm ndaj Edi Ramës
Ministri i ri i Brendshëm teknik, Dritan Demiraj, në qeverinë Rama është liruar rreth 3 vite më parë pas 31 vitesh kontribut në Forcat e Armatosura të Republikës së Shqipërisë pas një konflikti që pati me ministren e Mbrojtjes, Mimi Kodheli.
Demiraj e Kodheli do të ulen përballë njëri-tjetrit si kolegë në kabinetin qeveritar edhe pse prej vitesh kanë shkëmbyer akuza të ashpra në publik. Por në shënjestër të sulmeve të tij të ashpra, nuk ka qenë vetëm Kodheli por edhe kryeministri, Edi Rama, të cilin tani Demiraj do e ketë nga sot “shef” në pozicionin e ministrit të Brendshëm.
Ja akuzat e famshme të Demirajt:
1. Fatkeqësi që qeveria shqiptare është qeveri e konfirmuar nga e gjithë bota si narkomane.
2. Shqipëria është kthyer në kazanin më të madh të plehrave të Europës deklarojnë gazetat franceze. Normal pasi kur drejtohesh nga plehrat, në vend plehrash do të kthehesh.
3. Atë e kam shok (i referohet një deputeti të PS) siç kam shumë që janë dhe deputetë të PS, por që s’kanë folur ndonjëherë në parlament. Ngrenë kartonin me urdhër të naltgjatësisë narkoman.
4. Nuk kam patur kurrë dyshim, madje e kam ritheksuar me dhjetëra herë se ky personazh (Mimi Kodheli) do të hyjë në histori për keq dhe skandalet e saj te panumërta. Padyshim qe do te marre dënimin e merituar nga ligji, populli i vet për arrogancë-injorancën ne drejtimin e MM.
5. Mrike s’ke parë asgjë akoma. Të gjitha sa ke bërë do ti marrësh mbrapsht. Colonel DD.
6. Po pse drejtësinë do ta bëjnë ata që mbjedhin, shesin dhe trafikojnë drogë në të gjithë Europën miku im?? Ata që kanë bërë të gjithë nga 30 milionë dollarë??
7. Sa për kriminela i ke në qeveri me shumicë
8. Droga, vjedhjet dhe blerjet e zgjedhjeve, motelet dhe kazinot e ministrave dhe dështimet spektakolare të qeverisë
9. Kam qenë dhe jam kundër këtij të papërgjegjshmi që se di se çthotë e çbën dhe kundër të gjithë të tjerëve që mendojnë dhe veprojnë si ky.
10. Jo nuk e kam idhull dhe ai ka bërë shumë gabime të pafalshme, por ky është kriminel dhe ka shumë, shumë gjynahe.
Sigal