Ngjela: Rama i di shqiptarët indianë

558
Avokati dhe politikani, Spartak Ngjela, reagoi pas publikimit të fotos mes presidentit amerikan, Donald Trump dhe kryeministrit Edi Rama. “Evropianët me pasqyra i gënjyen indianët e Amerikës dhe iu morën tonelata ar… Rama i di shqiptarët indianë: ai kërkoi t’iu shiste shqiptarëve një fotografi me Presidentin amerikan si sukses vetjak. Komedi. Pse, i di shqiptarët indianë ky pafille! Sa shumë janë tallur dje kur e panë që, në hall, na nxori një foto, e asgjë më. Ka qenë i trembur prandaj. Zotëri, çfarë të tha Presidenti? Asgjë. Atëherë ç’na duhet fotografia ne? Por, të thanë të tjerët që Reformën nuk e bllokon dot, edhe pse ajo të kap”, u shpreh Ngjela. Sipas tij, asnjë kryeministër evropian nuk vepron kështu. “Turp me këta provincialë të trembur, që mendojnë se gënjejnë popullin e tyre me një fotografi. Kanë qeshur sot gjithë ditën gazetarët, madje edhe qytetarët nëpër lokale më thoshin duke qeshur: e bëri foton ky, mo? Kam qeshur dhe unë shumë më ta. Kanë të drejtë”, nënvizoi avokati. Më tej, ai shtoi: Ja pyetja që duhet bërë në këtë rast: këtë foto ky derëzi e punëzi, kujt ua nxjerr për ta parë: amerikanëve që drejtojnë Reformën në Shqipëri; politikës evropiane të Brukselit, apo shqiptarëve? “Dy të parët qeshin. Sidomos ata të Reformës që e dinë që e kap Reforma, se ka dalë shumë i dyshimtë nga investigimi kryeministri shqiptar; thuajse në të njëjtën shkallë më Berishën dhe me Bashën. As Brukseli nuk çan kokë, se fotot janë reklamë: Çfarë bisedoi Rama me Trampin? Pyesin ata. Dhe kur merr vesh se nuk kanë biseduar asgjë, sigurisht që mendon ndryshe për të ardhmen. Po, nuk kanë folur fare Trampi me Ramën? Jo, në fakt kanë folur për të folur, i thanë që të dy njëri – tjetrit – How are you? Si jeni? Kaq”, nënvizoi Ngjela. Ai ironizoi se Rama ka arritur fitore të madhe, si ajo e Lulzim Bashës para zgjedhjeve, që na nxori fotografinë. “Fëminorë janë në ligësitë e tyre, që të dy. Po, dhe sa kohë do t’i durojnë shqiptarët këta karagjozë?”, mbyllet komenti i Ngjelës.
Sigal