Nga Kongresi Amerikan te VOA/ Mbyllet vizita dy-ditore e Kryemadhit në SHBA

484
Sigal

Kryetarja e LSI-së, Monika Kryemadhi zhvilloi një vizitë pune dy-ditore në Shtetet e Bashkuara të Amerikës.

Gjatë vizitës së saj, Kryemadhi u takua me personalitete të larta të Dhomës së Përfaqësuesve të Kongresit amerikan, ku përfshihet takimi me spikeren Nancy Pelosin

Image

Më pas, kryetarja e LSI-së Monika Kryemadhi u prit në Departamentin Amerikan të Shtetit nga Znj. Susan K. Falatko, Drejtore e Zyrës për Çështjet e Europës Qendrore e Jugore. Në takim të dyja palët ndanë opinionet dhe shqetësimet lidhur me situatën e rëndë politiko-sociale në Shqipëri, si dhe angazhimin politik të LSI-së në këtë moment tepër delikat për vendin.

Zyrtarja amerikane nënvizoi rolin e veçantë dhe vëmendjen e SHBA për Shqipërinë, bazuar edhe në vlerat e jashtëzakonshme të demokracisë, që SHBA përfaqëson për vendin tonë.

Image

Më herët Kryemadhi u takua në Washington edhe me profesor Daniel Serwer, pjesë e Qendrës për Çështjet Transatlantike, në Shkollën për Studime të Avancuara Ndërkombëtare, ‘Johns Hokpins’.

Image

Vizita e Monika Kryemadhit u mbyll para pak orësh me një intervistë për Zërin e Amerikës.

Gjatë intervistës, kryetarja e LSI shpjegoi edhe një herë arsyet pse opozita zgjodhi të djegë mandatet, ndërsa bëri thirrje për një pakt kombëtar mes partive politike për nxjerrjen e vendit nga kriza aktuale.