Hap pas hapi me zgjedhjet e për
kryebashkiakun e ri në qytetin e Peshkopisë
60 % e qytetarëve dibranë ju
drejtuan dje kutive të votimit për të zgjedhur kryebashkiakun e ri pas
shkarkimit të Shukri Xhelilit, që u përfshi në një skandal seksual. E dhëna
zyrtare vjen nga Komisioni Qendror i Zgjedhjeve, pas përfundimit të votimit në
të gjitha qendrat. Deri në orën 19:00 kur u mbyll procesi, sipas zëdhënëses së
KQZ-së Drilona Hoxha, nga numri total i votuesve, 42 % ishin gra. Kandidati i
majtë është Muharrem Rama, ndërsa nga PD ishte kandidat ish-deputeti,
Sherefedin Shehu. “Lidhur me informacionet e ndryshme të publikuara gjatë
ditës, megjithëse minimale dhe që në thelb nuk cenojnë mbarëvajtjen e procesit
të votimit, Komisioni Qendror i Zgjedhjeve bën me dije se në asnjë nga 118
qendrat e votimit nuk ka munguar asnjë nga elementët që parashikon Kodi
Zgjedhor si bazë materiale zgjedhore. Planifikimi në kohën e duhur i bazës
logjistike zgjedhore sipas një sistemi të organizuar dhe jo rastësor, disponimi
i saj në sasi dhe cilësinë e kërkuar, si dhe dërgimi i saj në destinacionin e
duhur së pari pranë KZAZ-së nr. 19 dhe nga kjo e fundit në çdo QV, rezultoi pa
asnjë mangësi në materialet zgjedhore, dhe i shërbeu mbarëvajtjes me sukses të
procesit votimit. Bashkëpunimi i sekretarëve dhe komisionerëve të Qendrave të
Votimit me KQZ-në, duke komunikuar në kohë reale dhe korrekte për të përcjellë
të gjithë dinamikën e procesit të votimit solli informimin korrekt dhe të saktë
të opinionit publik, ndaj KQZ falënderon për bashkëpunimin dhe
profesionalizimin e komisionerëve dhe të medias, të cilët pasqyruan situatën
reale të procesit të votimit, duke shpresuar që ky raportim do të vijojë edhe
gjatë procesit të numërimit”, u shpreh Hoxhaj.
Sipas KQZ pjesëmarrja në votime
është:
–
Arras 65 për qind.
–
Kala e Dodës 44 për qind.
–
Kastriot 59 për qind.
–
Lurë 78 për qind.
–
Luzni 68 për qind.
–
Maqellarë 57 për qind.
–
Melan 61 për qind.
–
Peshkopi 61 për qind.
–
Zelisht 69 për qind.
–
Zallë Dardhe 61 për qind.
–
Zallë Reç 46 për qind.