Kuvendi i Shqipërisë pritet që të mblidhet në një tjetër seancë të jashtëzakonshme, pas asaj të ditës së djeshme. Është zyra për mediat e Parlamentit të Shqipërisë që ka njoftuar për seancë në datën 18 prill, ditën e martë të javës tjetër.
Për këtë arsye, kreu i Kuvendit Ilir Meta ka bërë thirrje dhe u ka dërguar një letër krerëve të grupeve parlamentare për të sjellë propozimet për dy anëtarët e komisioneve ‘Ad Hoc’ në lidhje me procesin e Reformës në Drejtësi për verifikimin e figurave të Prokurorëve dhe Gjyqtarëve.
