Kreu i PD dhe lideri i opozitës Lulzim Basha vijon turin e takimeve me qytetarët në të gjithë vendin.
Sot, kreu i selisë blu ishte në Sarandë, nga ku parashtroi edhe planin ekonomik duke fajësuar qeverinë Rama për rrënimin total social-ekonomik të vendit.
“Varfëria, papunësia, mungesa e mundësive në jetë vjen nga grabitja që po i bëhet Shqipërisë nga qeveria me një grusht klientësh”, u shpreh ndër të tjera Basha
Më tej, lideri demokrat parashtroi edhe disa pika, sipas të cilit tregojnë se pse shqiptarët sot janë më të varfër.
− Shqiptarët po varfërohen sepse po grabiten.
− Shqipëria po plaçkitet dhe po shkatërrohet nga Edi Rama me një grusht biznesmenësh grabitqarë që ndajnë paratë dhe pasuritë me njëri tjetrin.
− E gjithë ekonomia dhe pasuritë e vendit janë në duart e këtyre pak njerëzve përreth Edi Ramës.
Bregdetin ua ka vjedhur qytetarëve dhe ja ka dhënë me vendime speciale oligarkëve që kanë ndërtuar në toka të vjedhura buzë detit.
− Deti ka qenë i shqiptarëve, bregdeti është i shqiptarëve por Rama ja u ka bërë dhuratë oligarkëve. Nuk ka ndodhur në asnjë vend të botës që të privatizohet deti dhe bregdeti.
− Deti duhet të ishte burim mirëqenie, burim të ardhurash për të gjithë shqiptarët. Por tani është vetëm për milionerët”.
