Lulzim Basha niset drejt SHBA-së, PD: Do takohet me zyrtarë të lartë!

211
Kryetari i Partisë Demokratike, Lulzim Basha u nis sot për një vizitë në SHBA. Zoti Basha do të takohet me zyrtarë të lartë të administratës dhe politikës amerikane.
Ai shoqërohet nga deputetët Gent Strazimiri, Jorida Tabaku dhe Eduart Selami si dhe kryetarin e Partisë Republikane Fatmir Mediu. Vizita e kryetarit të Partisë Demokratike në SHBA përkon me 25 vjetorin e rivendosjes së marrëdhënieve diplomatike mes Shqipërisë dhe SHBA.
“Sfidat e Shqipërisë për ndërtimin e një demokracie funksionale dhe shtetit të së drejtës si zbatimi i reformës së Dekriminalizimit, zgjedhjet e lira dhe të ndershme dhe reforma në drejtësi do të jenë në qendër të axhendës së kreut të opozitës në SHBA.
Por po kështu pritet që gjatë takimeve me zyrtarët e lartë amerikanë të diskutohet edhe për qendrimet e Partisë Demokratike për nxjerrjen e Shqipërisë nga kriza dhe për programin dhe alternativë qeverisëse të demokratëve” informon zyra e shtypit e PD-së.