Kryetari i Partisë Demokratike Lulzim Basha ka mbledhur në një orar të pazakontë krerët e partive aleate. Burime nga selia blu thanë se takimi ka nisur rreth orës 20.30. Sipas të njëjtave burime takimi është zhvilluar në këtë orë të vonë për shkak të takimeve që Basha po zhvillon në rrethe të ndryshme të vendit.
Në takim pritet të diskutohet për aksionin politik në ditët në vijim dhe qëndrimin që do të mbahet për zgjedhjet e dekretuara nga Presidenti në 13 tetor (të cilat nuk njihen nga mazhoranca), por edhe për protestat, ftesën e Metës për tu ulur në tryezë apo lirimin e zyrave nga kryebashkiakët e djathtë.
