Kryebashkiakja e Prrenjasit, Miranda Rira, e zgjedhur nga radhët e LSI 4 vite më parë, ka deklaruar se edhe unë nuk e liroj zyrën time. Në një mesazh në Fb, Rira shprehet se “zyra e bashkisë nuk është e imja, ajo është e qytetarëve të Prrenjasit, me të cilët unë kam një kontratë sociale qëkurse ata më zgjodhën 4 vjet më parë! Ajo zyr?, do të mbetet e tyre, derisa në krye të saj të vijë ai/ajo që do t? zgjedhin me votë të lirë vetë banorët dhe qytetarët e Prrenjasit dhe jo Partia Socialiste.”
Në një mesazh në facebook, Rira shprehet:
Zyra e bashkisë nuk është e imja, ajo është e qytetarëve të Prrenjasit, me të cilët unë kam një kontratë sociale qëkurse ata më zgjodhën 4 vjet më parë! Ajo zyr?, do të mbetet e tyre, derisa në krye të saj të vijë ai/ajo që do t? zgjedhin me votë të lirë vetë banorët dhe qytetarët e Prrenjasit dhe jo partia socialiste.
Askush nuk do dhunojë zyrën dhe qytetarët, duke ardhur në krye të saj, pa votë dhe pa zgjedhje të lira e demokratike! Askush! Zgjedhjet e lira dhe të barabarta janë thelbi i demokracisë! Këto që pamë të dielën, ishin modeli më i shëmtuar i tyre! Shihemi në 13 Tetor bashkë, datën e dekretuar nga Presidenti i Republikës! Deri atëherë, shumë zhvillime të reja na presin!” përfundon mesazhin e saj Rira.
Në zgjedhjet e para katër viteve ku Miranda Rira u shpall fituese, ishte kryeministri Edi Rama që e prezantoi atë para zgjedhësve të saj, së bashku me Ilir Metën, atëhërë kryetar i LSI-së.
Rama e cilësoi “një profesioniste e zonja, njohëse e shkëlqyer e fushës së çështjeve sociale me vullnetin e duhur për të qenë kryepunëtorja dhe kryeshërbëtorja e qytetarëve të bashkisë së re të Përrenjasit në adresimin e problemeve sociale, mungesën e shërbimeve dhe mungesën e projekteve të zhvillimit në këtë bashki të lënë në mjerim e braktisje për vite të tëra e të qeverisur si mos më keq, ashtu si edhe çdo komunë e bashki tjetër e drejtuar nga PD. Vota për Miranda Rirën, është vota në drejtimin e duhur,” u shpreh atëhërë Rama
