Pas statusit të radhës në Facebook ku Kryeministri Edi Rama i kujton kreut të PD-së Lulzim Basha se është në pritje të nisjes së një dialogu, ky i fundit thotë se “ një shteg ia lëmë po të vijë me dorëheqjen e firmosur”.
“Lulëzim sot 3 ditë që pres vendin/orën për të nisur dialogun pa kushte! Gjejmë zgjidhje votojmë Vetingun shkojmë në zgjedhje.Mos ki frikë!,” shkroi pak më parë kryeministri Edi Rama.
Kësaj deklarate, Basha iu përgjigj duke thënë se negociatori i PD ka 36 orë që është në funksion të zgjidhjes dhe pret të dërguarin e PS.
“Bëjmë dialog për zgjidhjen e krizës politike përmes qeverisë teknike. Negociatori i PD ka 36 orë pret në funksion të zgjidhjes, por Rama bën monolog, monologje shtepër për t’i hedhur hi syve të njerëzve. Unë them një shteg për bisedime t’ia lëmë, por të vijë me dorëheqje të firmosur” tha Basha.
