Kryeministri Edi Rama ka komunikuar sërish sot me qytetarët shqiptarë përmes faqes së tij të Facebook, ashtu siç është bërë rutinë e çdo të diele. E sigurisht komunikimi javor kësaj radhe i kushtohej dilemave për çeljen e negociatave për integrimin në BE dhe deklaratave të deputetëve gjermanë e austriakë jo shumë pozitive për Shqipërinë.
Rama ka bërë përgjegjës PD për bllokimin e reformës në drejtësi, përmes Vettingut, e cila është kushti kryesor për hapjen e negociatave. Ai theksoi se kjo qeveri ka një amanet që është Shqipëria evropiane.
“Shqipëria evropiane nuk është një ëndërr me sy hapur e kësaj qeverie por një amanet që ne do ta çojmë në fund me reforma”, theksoi Rama.