Ka nisur sot mbledhja e Komisionit të Posaçëm për reformën në drejtësi. Mbledhja po mbahet me dyer të mbyllura. Bëhet e ditur se ky komision po shqyrton kapitullin 3 për gjyqësorin. Ndërkohë, më 9 maj Komisioni i Posaçëm i reformës në drejtësi miratoi në parim projektin e ndryshimeve kushtetuese, të rishikuar nga ekspertët e Misionit amerikan të Ndihmës Ligjore OPDAT dhe atij europian EURALIUS. Miratimi është bërë në unanimitet si nga përfaqësuesit e shumicës dhe nga ata të opozitës, duke i hapur rrugë diskutimeve nen për nen.
