Ministri për Europën e Punët e Jashtme, Ditmir Bushati në një konferencë të përbashkët me Federica Mogherini, Shefe e politikës së Jashtme pohoi se qeveria shqiptare është shpresë plotë që vitit 2018 të jetë viti vendimtar për çeljen e bisedimeve me BE-në. Ai theksoi se Shqipëria ka bërë progres në rrugën e saj drejt anëtarësimit, ndërsa pohoi se qeveria është e vendosur që të rrënjos sundimin e ligjit në ekonomi.
Mes të tjerash Bushati konfirmoi edhe njëherë gatishmërinë e qeverisë për të vijuar me marrëveshjen e 17 majit, që u mbajt mes kryeministrit Edi Rama dhe kryetarit të PD-së Basha.
“Faleminderit që gjetët kohën për të dëgjuar ndihmesën për Ballkanin perëndimor. Keni vlerësimin tonë që shpenzoni kohën tuaj. E di që media shqiptare është e interesuar për rezultatet e këtij takimi të 9, por edhe për rrugën përpara. Sa i takon zbatimit të stabilizim asoocimit, ne patëm mundësi që të shkëmbenim pikëpamje në procesin e zbatimit të marrëveshjes. Më vjen mirë që konstatojmë së bashku shërbimin e KE. Siç dihet Shqipëria ka nisur punën teknike sa i takon detyrimeve që do të burojnë nga negociatat menjëherë pasi në 2016-ën BE rekomandoi fillimin e bisedimeve. Presim që viti 2018 të jetë vendimtar për Shqipërinë dhe besojmë se hapja e bisedimeve do të sigurohej më tej një sens orientimi në transformin europianizues që kemi ndërmarrë. Reforma në drejtësi që po zbatojmë është një mundësi unike, pasi i ka dhënë një rol të paprecedentë nga pikëpamja morale dhe profesionale. Ne diskutuam gjithashtu për rezultatet e realizuara për krimin e organizuar, për trafikun e kanabisit. Që janë rezultat i punës së përbashkët me ndërkombëtarët. Kjo dëshmon vullnetin tonë për të rrënjosur sundimin e ligjit në ekonomi. Ne besojmë se përbëjmë një bazë solide të BE. Në emër të kryeministri Rama dhe qeverisë shqiptare shpreha qëndrimin tonë të vendosur për të vazhduar bashkëpunimin e mëtejshëm politik me të gjithë aktorët politik në përputhje të marrëveshjes së 17 majit në Shqipëri, që siguroi zgjedhje transparencë dhe vazhdimësinë e duhur të reformave. Sa i takon klimës në rajon, falenderojmë Moherinin. Në emër të qeverisë shqiptare konfirmova vullnetin tonë për të qenë partnerë luajalë. Dua të vlerësojë gjithashtu në emër të kryeministri Rama, mesazhet e presidentit Juncer në Parlamentin Europian.”, tha Bushati.
