Ilir Meta: Pranvera e dytë demokratike me LSI në Shqipëri po afron

74

Intervista e Kryetarit të Kuvendit, z. Ilir Meta,
për emisionin “Dritare” të Rudina Xhungës në televizionin “Vizion Plus”

 

Mirë se keni ardhur! Unë po ju drejtohem si
President i Zgjedhur sot, edhe pse, në fakt, unë kam shkruar z. Meta.

Z.
Meta, jemi më rehat kështu!

Më rehat jemi! Atëherë, kam shkruar numri 1, sepse
vazhdojnë të gjithë të mendojnë se jeni numri 1, jeni LSI–ja, ende nuk është
bërë ajo shkëputja finale.

Numri
1 në listën e votimit, keni të drejtë, aty është LSI–ja.

Patjetër! Kështu që këtë kemi shkruar edhe në
strishën finale: nr. 1, atje ku është LSI–ja. Njerëzit vazhdojnë dhe nuk e
bëjnë dot shkëputjen, nuk mendojnë dot që ju jeni Presidenti i Zgjedhur, jeni
Presidenti. Ju jeni Ilir Meta.

Sepse
unë ende nuk jam President. Unë normalisht më 24 korrik duhet të bëj betimin
dhe duhet të filloj detyrën e Presidentit. Kështu që angazhimi im në këtë
fushatë ka qenë i përcaktuar më parë. Zgjedhja President nuk ka qenë e
planifikuar apo e synuar nga unë apo nga forca jonë politike, por ka qenë
rezultat i një krize dhe është bërë për të ndihmuar për kapërcimin e kësaj
krize dhe, praktikisht, edhe ka ndihmuar për këtë çështje. Por pas kësaj krize
patëm përsëri një krizë tjetër dhe jemi ende në një krizë mjaft serioze, atë të
kërcënimit të standardeve të zgjedhjeve, këtë radhë jo nga maxhoranca
Rama–Meta, por nga Rama–Basha.

Nga maxhoranca Rama–Basha…

Kështu
që hyrja ime në fushatë ndoshta në një mënyrë pak më energjikë seç duhet, nuk
ka të bëjë thjesht me LSI–në, por ka të bëjë me mbrojtjen e garancive të
sistemit të demokracisë në vend dhe, në radhë të parë, të zgjedhjeve të lira,
të cilat janë cenuar seriozisht nga një marrëveshje në errësirë për tri orë
ndërmjet dy individëve të cilët formalisht përfaqësojnë dy forca politike.

Dua t’i rikthehem edhe pak asaj marrëveshjeje,
asaj darke, që i çuditi të gjithë. Ju çuditi ju?

Jo,
nuk është se më çuditi. E para njëherë, kjo situatë krize nuk duhej të kishte
ndodhur; së dyti, nuk duhej të kishte zgjatur kaq shumë, sepse i mori vendit
mjaft energji dhe natyrisht nuk ndihmoi as në realizmin e standardeve më të
mira të zgjedhjeve. Por sigurisht ai që më çuditi ishte produkti i tri orëve,
sepse duket qartë që nuk kanë qenë tri orë për të garantuar standardet e
zgjedhjeve, për të pasur qeveri besimi ndaj zgjedhjeve, por kanë qenë tri orë
të dy individëve për të bërë një marrëveshje, praktikisht, kundër votës së lirë
dhe kundër LSI–së të cilën e shohin si pengesën kryesore për të tjetërsuar
votën dhe vullnetin e shqiptarëve , jo vetëm të atyre që votojnë LSI–në, por
edhe të atyre të cilët dëshirojnë të votojnë për forca të ndryshme politike,
një përpjekje mjaft e sforcuar për të mbajtur të monopolizuar në mënyrë
jodemokratike, në mënyrë trysnuese dhe në mënyrë imponuese një situatë sikur
asgjë nuk ka ndryshuar në Shqipëri. Natyrisht, pastaj problemet më pas kanë
qenë mjaft skandaloze, që nga krijimi i një task force, e cila vepron në
kundërshtim me ligjet, me Kushtetutën, pa transparencën e domosdoshme që po
zhbën reformën në administratën publike, për të cilën zoti Rama është mburrur
më shumë se kushdo tjetër.

Ajo
që ishte më e rënda ishte angazhimi i segmenteve të caktuara të policisë për të
mbështetur bandat në dhunimin e aktivistëve të LSI-së, dhe, së dyti, për të
frikësuar qytetarët, për të bërë një fushatë normale, demokratike dhe të qetë,
ashtu sikurse ishte mjaft absurde marrëveshja ndërmjet Ramës dhe Bashës për të
marrë një vendim të ndryshëm nga ai që KQZ-ja ka marrë në të kaluarën për të
njëjtin rast, për të mos ia dhënë të gjithë numëruesit që i takonin LSI-së, por
gjoja t’i ndante më PDIU-në. Kjo bëhej përsëri me qëllim frikësimin e votuesve
në tërësi, që “Shiko se LSI-ja nuk ka kudo numërues, kështu që, po të votosh
për LS-në, nuk e ke të sigurt votën, prandaj më mirë mos voto etj”. Pra, kjo
marrëveshje ka krijuar një atmosferë jodemokratike, e cila më ka imponuar mua
që të luaj një rol edhe më aktiv në përpjekje për të garantuar demokracinë dhe
votën e lirë. Kjo është kryesorja.

Ju keni qenë gjithë kohës me këtë refrenin “me
qetësi, me dashuri”, i cili është refren i mirë, por, sidomos ne që jemi
drejtues emisionesh televizive na duket sikur na ul ritmin e spektaklit, le të
themi. Por në momentin që ju shpërthyet i dhatë ton fushatës, emisioneve dhe
gjithçka je. Ndoshta në një farë mënyre po i rrisni edhe mundësinë vetes për të
pasur më shumë vota, ndoshta nga ç’mendohej, gjërat ndryshuan rrugës?!

Absolutisht,
LSI-ja ka aq shumë vota sa të gjithë do të habiten dhe do të çuditen. Më mirë
se kushdo, që LSI-ja ka kaq shumë vota dhe që është forcë e parë, këtë e dinë
dy kryetarët, të cilët, praktikisht janë të shqetësuar nga realiteti elektoral
në Shqipëri, nga gjendja në të cilën ata kanë realisht dy partitë e tyre për
faj të LSI-së, por mbi të gjitha, për rritjen eksponenciale të LSI-së në të
gjithë vendin, e cila vjen kryesisht prej rinisë, pjesëmarrjes së saj,
protagonizmit të saj, strukturave të jashtëzakonshme që LRI-ja ka krijuar në
vite në të gjithë Shqipërinë, dhe duke pasur këtë shqetësim dhe duke mos e
pranuar këtë realitet në mënyrë demokratike, përveç shqetësimeve ndaj faktorëve
të tjerë si LIBRA, Sfida apo faktorë të rinj nga parti të tjera…

Pse LIBRA dhe SFIDA janë vërtetë shqetësime të
krijuara për ata?

Nuk
e di, unë mendoj se janë shqetësime, përderisa bëhet një thirrje. Për shembull,
PDIU-ja, të shkojë kryetari i opozitës në Dibër dhe të merret gjithë kohën me
PDIU-në, që dikur e ka pasur aleate në qeveri, më duket pa sens, sepse, në
qoftë se ti mendon vërtetë se je një parti e madhe, atëherë merru me programin
tënd, çfarë pune ke që merresh me të tjerët?! Kështu që në këto drejtime, unë
mendoj se fushata ime nuk synon të rrisë votat e LSI-së, por të mbrojë
standardet e zgjedhjeve dhe demokracisë në Shqipëri dhe, sigurisht, në këtë
mënyrë ndikon edhe për të mbrojtur votat e LSI-së dhe të çdo subjekti politik.
Fakti që LSI do të ketë numërues kudo, në të gjithë Shqipërinë, është…

Ia dolët kësaj beteje sot?!

Kjo
ishte diçka tepër ligjore, ishte një vendim tërësisht politik, tërësisht i
papërgjegjshëm i KQZ-së, për fat të keq, dhe në kundërshtim me vet vendimet e
saj të mëparshme. Natyrisht që kjo është një fitore për demokracinë dhe për
besimin e qytetarëve shqiptarë, të cilët duhet të shkojnë të votojnë dhe të
jenë të sigurt që vota e tyre do të numërohet, pavarësisht se për kë parti ata
do të votojnë. Plani i tri orëve në errësirë ka qenë jo vetëm të dekurajojnë
njerëzit që të votojnë, jo vetëm të bëjnë çdo gjë që të trysnojnë njerëzit për
t’i imponuar atyre të votojnë ndryshe, nga frika, heqja nga puna, nga presione
të tjera, nga përdorimi i policisë këtu apo aty, por, njëkohësisht edhe për të
ndarë votat e partive të tjera, partive më të vogla, jo thjesht çfarë t’i
kapnin LSI-së, por edhe të partive të tjera aleate të tyre, këtej apo andej, në
mënyrë që artificialisht të krijojmë idenë se këtu kemi një skemë që s’ka
ndryshuar shumë dhe këto janë ende dy parti të mëdha. Në qoftë se këto dy parti
do të ishin vërtetë parti demokratike, Shqipëria mund të mos ketë nevojë as për
LSI dhe as për parti të tjera. Në qoftë se do të ishim si në Amerikë, që vjen
Donald Trampi dhe kandidon në mënyrë demokratike në një parti tradicionale dhe
në fund fare del ai i pari. Ndërsa këtu kemi të bëjmë me dy parti historike dhe
demokratike në tërësinë e tyre, pavarësisht nga mangësitë që ka çdo forcë, që
sot janë katandisur në dy parti kryetarësh, në një rilindje dhe në një aneks të
rilindjes, ku as…

 Tani, edhe
në partinë tuaj është i nevojshëm kryetari, nuk mund të thuash që bëhet pa
kryetarin?!

Jo,
patjetër, por respektohen të gjitha forumet. LSI-ja është partia më e
organizuar në Shqipëri, ka struktura në të gjithë Shqipërinë, mendimi i tyre
merret në mënyrë mjaft të hapur dhe transparente. LSI-ja nuk ka pasur asnjë
problem me listat për deputetë. Po ta shikosh, LSI-ja është e vetmja parti ku
nuk ka pasur kontestime dhe shqetësime, sepse çdo gjë është bërë në mënyrë të
hapur dhe transparente në forumet e LSI-së, ndërsa këto dy parti kanë një
problem tjetër, duan të imponohen përmes një tradite, por harrojnë se e gjithë
sjellja e tyre sot është kundër asaj tradite që ata kanë pasur në të kaluarën,
sepse edhe Berisha, pavarësisht rolit të jashtëzakonshëm dhe cilësimet herë pas
herë si autoritar apo ku di unë, në fund fare, çdo gjë vendoste në forumet e
partisë së tij, ndërsa këtu u fshinë nga lista gjithë ata emra të shquar me
kontribute, që e morën e vesh vetëm kur doli zarfi në KQZ.

Po në partinë tuaj a ka ende emra, sepse edhe aty
ka shumë të rinj?

Jam
krenar për të rinjtë e LSI-së. Duhet të kisha vënë më shumë të rinj dhe të
reja, sepse e meritojnë, nuk janë të rinj të rastësishëm, por janë të rinj, të
cilët kanë 10 vjet në LRI dhe LSI, të cilët janë një shembull se si të rinjtë
duhet të merren me politikë, se si të rinjtë duhet të socializohen, se si të
rinjtë duhet ta mbështesin njeri-tjetrin, sesi të rinjtë duhet të bëjnë për
komunitetin, se si të rinjtë duhet të kujdesen për mjedisin, se si të rinjtë
duhet të rrisin kontributin e tyre dhe të rinjtë tanë
janë të gjithë të shkëlqyer në mësime dhe në gjithçka, por mbi të gjitha kanë
frymën e ekipit, ajo që mungon te klasa e sotme politike që vuan nga një
egoizëm i tepruar, një vetëkënaqësi të tepruar dhe një arrogancë.

Çfarë është fryma e ekipit? A mos është nënshtrim,
z. Meta?

Jo,
absolutisht, fryma e ekipit është fuqia më e madhe, është solidariteti dhe pa
dyshim që ekipi bën çdo gjë. Portugalia fitoi edhe pa Ronaldon. Pse? Sepse
kishte frymën ekipit, pra fryma ekipit është mbi individin.

Ju doni medoemos të mos e pranoni kurrë
publikisht, vetëm në ndonjë rast ka ndodhur kjo, meritat e gruas suaj, e cila
nuk është thjesht…

Kush
tha?

Nuk e di pse duket kjo…

Jo
, absolutisht!

Ajo është njeri i rëndësishëm. Ju thoni: “Vasili,
Vasili, kryetari”, në fakt, duket sikur ia keni mohuar mundësitë gruas suaj.

Pa
dyshim që ai është kryetari dhe Monika ka qenë gjithmonë një pjesë shumë e
rëndësishme e ekipit në të gjitha kohët dhe vazhdon të jetë.

Pyetja është: mos nuk është ekipi, por është
Monika?

Jo,
absolutisht! Monika ka vlerën e saj, sepse është njeri i sakrificës, sakrifikon
shumë për të tjerët, sidomos për të rinjtë dhe të rejat, kujdeset shumë për ta
dhe unë ndonjëherë i them që ti je si motër, si shoqe, si nënë, si vjehrrë e të
tjerë, sepse u përshtatet atyre në një mënyrë të jashtëzakonshme, por gjithmonë
me qëllimin e mirë që ne t’i japim mundësi këtyre të rinjve të ecin, të
fuqizohen, të jenë vetvetja, të duan vendin, të mos kenë mendimin për t’u
larguar dhe natyrisht të zgjidhim problemet, të cilat po na largojnë sot rininë
nga Shqipëria, të cilat po na e bëjnë sot familjen shqiptare më të pasigurt dhe
më të pashpresë.

Absolutisht
unë besoj se me këtë rol që ne i kemi dhënë rinisë, sidomos dua të them se
lista e Tiranës është një listë e mrekullueshme, juve dhe të gjithë ata që na
ndjekin dhe të gjithë ata që do të votojnë në 25 qershor për parlamentin e
ardhshëm, do ta kujtojnë mirë këtë që po them që aty është e ardhmja e
Shqipërisë për 20 vjetët që do të vijnë, një politikë krejt tjetër me të rinj
dhe të reja të gjithë si Kejdi Mehmetaj të fokusuar në çështje, në problematika
si: rinia, arsimi, punësimi, çështje konkrete, të cilat do ta çojnë parlamentin
tonë në nivele të tjera. Deri tani kemi dëgjuar: “Ky ka qenë i dënuar kaq herë,
ky ka qenë aq, ti ke kaq kriminelë, unë kam kaq banditë, kemi kaq biznesmenë në
parlament nga grupi ynë, kaq nga grupi juaj, këta kanë marrë kaq tendera, këta
kanë marrë aq tendera”. Këta të rinj do t’i japin një kualitet tjetër
parlamentit, çështjeve, ligjeve dhe mbi të gjitha problemeve të rinisë,
problemeve të familjeve, problemeve sociale, problemeve ekonomike, pra do të
zënë peshën kryesore të parlamentit të ardhshëm.

Unë zgjodha në këtë mënyrë, në fakt, ta nisim
bisedën edhe pse duket sikur nuk ka lajme nga ato momentet që ju do të akuzoni
Ramën për Vetingun, Bashën për këtë, sepse vini nga Kavaja…

Jo,
nuk akuzoj njeri. Unë jam i hapur në çdo moment që zoti Rama apo zoti Basha
pranojnë për gjithçka, për reformën në drejtësi, për reforma të tjera apo ku di
unë dhe për gjithçka, duke përfshirë edhe tepsinë, pavarsisht se mua nuk më
pëlqen kjo gjë, pra për gjithçka që mund të diskutohet se ka interes unë kam
qenë i hapur.

Flasim edhe për tepsinë.

Sipas
tyre, sepse mua nuk më pëlqen kjo gjë. Unë përpiqem të jem pak më i kujdesshëm.

Ata nuk donin që të flitej për tepsinë apo e donin
tepsinë për vete, z. Meta?

Tani
vazhdojmë për këtë çështje, por unë kam qenë dhe jam gjithmonë i hapur, sepse
jam një politikan transparent. Për mua nuk ka rëndësi nëse një marrëveshje e
bën me shkrim apo e bën pa shkrim, unë gjithmonë u qëndroj këtyre marrëveshjeve
dhe për këtë mund të pyeni “Doktorin” të paktën, se ai mund të ketë shumë
mangësi, por përgjithësisht i qëndron të vërtetave, kështu që jam shumë i qetë
në këtë drejtim, pastaj se çfarë thonë ata është një çështje e tyre. Fakti se
që dy janë marrë shumë me LSI-në tregon vërtet atë që LSI-ja është forcë e parë
në Shqipëri dhe ata nuk mund ta pranojnë këtë, prandaj ta marrin me qetësi dhe
pa xhelozi.

E paparë duhet të jeni, por e parë është pak si
shumë, z. Meta?

Jam
100% i bindur, se gjithë ajo rini në të gjithë Shqipërinë absolutisht veçse
forcë e parë është dhe shumë shpejt do të konfirmohet i gjithë ky tension.

Do të presim edhe pak ditë.

Pse
duhet të rrihet një maturant në Zharrëz me lopata, turp i madh, nga kryetari i
PS-së së Zharrzës, një përgjegjës në Albpetrol me probleme? Pse duhet të
dhunohen dy gra në Pukë?

A e dini se ju akuzojnë se i krijoni vetë këto
skena? A e pranoni se ju akuzojnë?

Po,
do të shkojmë ne t’i biem me levë atij në Fushë-Krujë, me armë atij tjetri që
të themi: “E bëri Edi Rama”. Po policinë ne e kemi që nuk i kap këta kur ne i
inskenokemi këta vetë? Po në Lezhë?

Në fakt, kush e ka policinë?

Kush
e ka, ky është problemi , shteti nuk e ka, ligji nuk e ka. Kjo është një nga
përgjegjësitë më të mëdha të zotit Basha, sepse Lulzim Basha nuk kishte nevojë
të merrte as ministrira, as OSHEE-në dhe as të tjera, ai kishte ministrin
teknik, drejtorin e Përgjithshëm të besueshëm, pra profesionist dhe është
personi tjetër. Ai i kishte të marra aty, por unë mendoj se bëri një gabim
shumë të madh për sa i takon integritetit të tij dhe të opozitës për standardet
e zgjedhjeve, me kauzat e çadrës, sepse e këmbeu statuskuonë e policisë, që
vetë e quante “policia e drogës, policia e hashashit, policia e kësaj, e asaj”
e të tjera, me OSHEE-në, me ALUIZNI-n, me hipotekat, ndërkohë që duhet të
kishte mbajtur një qëndrim shumë më parimor, sepse nuk do t’i japë vota as
OSHEE-ja, as …

Kur e pyeta para dy javësh, ai tha: “Nuk e marr
dot, është iluzion”.

Nuk
donte ta merrte.

 “Nuk e marr
dot. Është iluzion të marrësh…”

Nuk
donte ta merrte.

Po OSHEE-në dhe ALUIZNI-n pse i do?

Pse
nuk thotë asnjë problem për drogën? Pse nuk thotë asnjë problem për bandat? Pse
thotë se dhuna qenka problem PS-LSI? Asnjë nga LSI-ja nuk ka goditur ndonjë
person të PS-së, sepse po të dalë, do të jem unë i pari që do ta dënoj një akt
të tillë, sepse është turp që përfaqësuesit politikë të mos dënojnë aktet e
dhunës.

Ngjarja
në Zharrëz edhe mund të ketë ndodhur për një vijë ujë, por nuk është e vërtetë.
E di Zharrëza, e di Fieri dhe do ta tregojnë me votim këtë gjë. Por edhe në
qoftë se do të ndodhte për një vijë ujë, të mbahet një qëndrim tjetër, të
dënohet ky akt dhune, të hetohet, t’u bëjmë thirrje të qëndrojnë larg. Është
një platformë dhune. Këtu nuk kemi të bëjmë me akte të veçuara. E gjitha është
një platformë presioni, shtypje për të deformuar votën, gjë që nuk mund të
ndodhë, sepse LSI-ja është ndryshe nga çdo forcë tjetër politike, është një
forcë që nuk e ha presionin, përkundrazi.

Përkundrazi, vërtet. Njerëzit që ju mbështesin
janë gati …

Edhe
vetë shqiptarët nuk e pranojnë këtë gjë, sepse është shumë e shëmtuar. Nuk e
kanë pranuar gratë e Libofshës në vitin 1994, kur u përdor për herë të parë
dhuna në Shqipëri.

Jemi në vitin 2017. Si mund të ketë dhunë në vitin
2017, z. Meta?


thuaj, po të kesh një Kryeministër…

Ngjan e pamundur që njerëzit të …

Po
të kesh një Kryeministër që, për fat të keq, po na zhgënjen çdo ditë e më
shumë, që thotë: “Të dashur policë, hiqni kapelen pas orës 14:00 dhe dilni të
mblidhni votat për PS-në”…

Rama kërkoi ndjesë, u tërhoq.

Kur?

Menjëherë më pas.

Ku
kërkoi ndjesë? Si e kërkoi?

facebook.

Ditën
tjetër?

Po, të nesërmen ose atë ditë, nuk e di.

Sa
herë ka kërkuar ndjesë? Sa herë më ka kërkuar ndjesë ai mua? U bënë 20 vjet. 10
herë ka kërkuar ndjesë dhe më pas…

E bën sërish?

Sërish
e shikon problemin te LSI-ja.

Qenka problemi juaj që e falni, atëherë. Ju ka
kërkuar 10 herë ndjesë dhe ju e falni sërish?

E
kemi pasur problem tolerancën, por tani ka ardhur koha për të marrë vendime të
rëndësishme, kështu që nuk është këtu problemi. Problemi është se dëmi më i
madh që po i bën z. Rama në Shqipëri është standardi i zgjedhjeve. Ky është
standard tashmë i cenuar.

Nga z. Rama?

Nga
ai dhe nga Partia Demokratike, sepse duket qartë që këto parti mund të zihen
për çdo gjë, mund të zihen për tepsi, mund të zihen për drejtësi, mund të zihen
për korrupsion, mund të zihen për çdo gjë, por për një gjë nuk zihen kurrë dhe
merren vesh gjithmonë, për të mos ndryshuar Kodin Zgjedhor në interes të
demokracisë, të votës së lirë dhe votës së barabartë. Gjithmonë bëjnë sikur e
ka fajin kjo, e ka fajin ajo dhe e lënë çdo gjë për minutën e fundit, në mënyrë
që qytetarët shqiptarë …

Edhe ju në minutën e fundit e keni lënë këtë punë.
Keni qenë kaq kohë dhe nuk e bëtë.

Ne
e kemi kërkuar prej kohësh, por ata kanë pasur mundësinë e vetos, si dy partitë
më të mëdha që kanë qenë deri më sot. Kur ne të dalim parti e parë, do të
shikoni që një nga veprimet e para që do të bëjmë është reforma elektorale. Si
duam ta bëjmë? E duam me prim, e duam me maxhoritar, e duam
proporcional të pastër, si të dëshirojnë, do ta bëjmë, vetëm të bëjmë diçka të
ndershme, të bëjmë një kod dhe standarde që shqiptarët t’i dinë 2 vjet para se
të votojnë, 4 vjet para se të votojnë dhe jo të bëjmë këtë që duan të bëjnë sot
me Dropullin. Është kulmi i papërgjegjshmërisë që duan të sabotojnë zgjedhjet
në Dropull, sepse e dinë se si voton populli i Dropullit, duke e zhvendosur
qendrën e atyre, që ka qenë gjithmonë në Jorgucat dhe me kushte optimale për të
gjitha standardet dhe infrastrukturën, në një fshat të largët, që nuk ka asnjë
kusht minimal, thjesht që të sabotojnë zgjedhjet për të dëmtuar rezultatin e
LSI-së në Gjirokastër në zgjedhjet e 25-qershorit. Domethënë deri këtu shkon
ligësia e tyre, sa mendojnë edhe gjëra të tilla, të cilat mund të krijojnë
probleme të përmasave të tjera, sepse kemi të bëjmë me qytetarët e Shqipërisë,
por kemi të bëjmë njëkohësisht me qytetarët me kombësi greke dhe del vërtet
sikur kjo është një diskriminim i qëllimtë, dhe kështu është praktikisht, për
arsye të ngushta politike.

Unë pata përshtypje e gabuar që pas intervistës së
djeshme të Presidentit turk Erdogan, i cili tregoi ose këshilloi, të paktën, se
gjërat mes jush do të ndryshonin, do të uleshin tonet. M’u duk sikur z. Rama i
uli tonet sot, ndërsa ju, aspak.

Ajo
që nuk do të ndryshojë është marrëdhënia tradicionale dhe e shkëlqyer e
Shqipërisë me Turqinë dhe pa dyshim që kjo do të vazhdojë edhe gjatë 5 vjetëve
të ardhshëm.

Unë normalisht do të jem Presidenti i Shqipërisë,
pavarësisht se kush do të jetë Kryeministri i Shqipërisë, sepse kjo është një traditë
e shkëlqyer dhe pa dyshim, bashkëpunimi me Presidentin Erdogan do të jetë shumë
i mirë.      

Ju duk
normale si politikan fakti që ai foli për zgjedhjet në Shqipëri? Ai është i
përzgjedhur

Nuk i kam vënë re detajet sepse kam
qenë tërë kohën në lëvizje, në studio dhe në debate, megjithatë, është e drejta
e tij të japë mendimin e tij. Kjo nuk ndryshon asgjë në marrëdhëniet tona me
Turqinë.

Ndërkohë në
raportet me Greqinë më bëri përshtypje që pas intervistës që ju dhatë në një
kanal grek,
z.
Rama ju
sulmoi menjëherë të nesërmen.

Çfarë kishte thënë në atë kanal?

Ta gjejmë.
I kam të gjitha.
Së pari, që
i prishi marrëdhëniet me Greqinë.

Jo, nuk kam thënë ashtu. Gazetarja
greke më pyeti veç të tjerave se çfarë problemi kemi me
z.
Rama. Unë i thashë se nuk është se kam
unë ndonjë problem me të, por problemi është se ai ka probleme me të gjithë.
Ja, edhe me ju ndonjë problem. Kjo ishte ajo që thashë dhe nuk është se kam
gënjyer. Marrëdhëniet midis Shqipërisë dhe Greqisë duhet të ishin krejt
ndryshe. Është e qartë që këto marrëdhënie janë acaruar, jo në funksion të
ndonjë axhende kombëtare të Shqipërisë, për ta çuar përpara, por shpesh është
bërë për të shmangur vëmendjen nga problemet e brendshme.

Edhe ndërhyrja aktuale e z. Rama
sikur unë kam folur si ndonjë nacionalist ekstremist helen ndaj tij është një
përrallë, sepse po ta shikoni intervistën ajo është shumë e përmbajtur dhe e
arsyeshme, por kjo bëhet për të shmangur vëmendjen nga një deklaratë skandaloze
që ai bëri një ditë më parë, kur i bëri thi
rrje policisë të përfshihej hapur në
fushatën e PS-së.

Edhe Ramiz Alia e depolitizoi policinë. Kemi 27
vjet që policinë nuk e ngatërrojmë me partinë. Jo vetëm kaq, por edhe një polic
po të përfshihet dënohet nga 1 deri në 5 vjet burg.

Ajo është
deklarata që ju ngjalli reagimin. Ju nuk jeni politikan emocional. Ju nuk keni
reagimet emocionale, i keni shumë të llogaritura.

Unë jam një politikan i përgjegjshëm
dhe kur duhet me qetësi, me qetësi, kur duhet me dashuri, me dashuri, kur duhet
me vendosmëri, me vendosmëri. Vendosmëria ime është e hekurt dhe nuk njeh kufi,
kur bëhet fjalë për interesin kombëtar dhe për interesin publik. Zgjedhjet e
lira janë një interes kombëtar dhe publik, që nuk mund të cenohen askush, as
nga unë, si kryetar i Kuvendit dhe President i ardhshëm, aq më shumë nga Edi
Rama dhe nga Lulzim Basha dhe nga kushdo tjetër.

Ajo që unë kam kërkuar dhe që synoj,
është vetëm një fushatë normale, demokratike, të mos përfshihet shteti në të,
duke u bërë palë me njërën apo tjetrën forcë politike, aq më tepër policia,
sepse kjo është shumë e shëmtuar. Këto përvoja e kemi pasur në kohën e
Gazidedes së ndjerë, kur policia, SHIK-u përfshiheshin në mënyrë të qëllimshme për
të ushtruar dhunë, presion dhe ajo që është më e rënda, për shembull, është në
Lezhë. Atje kemi një shef komisariati, i cili e shumë mirë se cilët janë
personat në kërkim, që janë personat e Rilindjes dhe i mbrojnë ata jo vetëm
gjatë aktiviteteve të tyre në lidhje me kanabisin në Lezhë (këtë e di e gjithë
Lezha), por edhe u zënë prita njerëzve të LSI-së, madje dalin me uniforma
policësh dhe i ndalojnë, i dhunojnë, i rrahin, i kërcënojnë njerëzit e LSI-së
dhe këta asnjëherë nuk ndalohen. Kjo është një gjë shumë skandaloze që e di e
gjithë Lezha. Njerëzit nuk mund të jetojnë me frikën e bandave në vitin 2017.

Z. Meta, ju sikur flisni për një realitet tjetër.

Shko në Lezhë, intervistoi dhe dëgjoi
njerëzit atje se ç‘thonë!
Po listën e Lezhës, unë e bëra?

Ka dhunë ndaj
njerëzve të LSI-së gjithandej.

Ka dhunë por nuk është vetëm problemi i
dhunës. Kjo është dhunë ndaj
qytetarëve shqiptarë. Kur dhunohet një i ri 18-vjeçar në Zharrëz,
kjo nuk është dhunë vetëm ndaj tij dhe dhimbje vetëm e tij, por ky është një
presion ndaj të gjithë të tjerëve në të gjithë Shqipërinë. Ç’është kjo dhunë?
Kujt i duhet kjo dhunë ? I duhet dikujt që nuk i ka qytetarët me vete dhe
kërkon t’i trembë ata.

I duhet
dhun
a
z. Rama? Nuk mendoni se i ka të gjitha mjaftueshëm për të mos
përdorur dhunë?

Unë mendoj se akujt nuk i duhet dhuna.
Dhuna është shumë e dënueshme, shumë e papranueshme, por kur dikush kërkon me
pahir pushtetin, kur nuk u ka shërbyer për 4 vjet njerëzve me përulësi, me
mbajtje prem
timesh dhe tani po përpiqet jo vetëm t’i mashtrojë, jo vetëm
të fajësojë të tjerët dhe të mos mbajë asnjëherë përgjegjësi për ato që nuk ka
bërë, por përpiqet t’i frikësojë, t’i dhunojë të tjerët
. Padyshim
tregon se kemi të bëjmë me një njeri të apasionuar pas dhunës dhe pushtetit dhe
jo pas vlerave demokratike, njerëzore dhe përgjegjshmërisë ndaj shtetit.

Lezha dhe dhuna atje, riktheu një simbolikë, të
cilën e përdora, për të thënë të vërtetën, u përdor në rrjetet sociale…

Jo
vetëm atje, sepse kemi Fushë-Krujën, Pukën, Fierin.

Padyshim, por doja të ndalesha te zarfi, te fakti
që u përdor simbolika e zarfit për të treguar që LSI-ja jep lekë.

Kjo
është një përrallë e shëmtuar.


pari, kandidati e ka shpjeguar vetë atë ngjarje. Ai ka qenë një kryetar i
LSI-së së fshatit që është dhunuar, nuk e di si i kanë ata traditat dhe
zakonet, por ajo është një çështje tjetër…

Në fakt, e gjitha ndodhi pas krahëve tuaj…

Këto
janë gjëra pa asnjë vlerë. LSI–ja është partia më e hapur dhe më e angazhuar
për zhvillimin e zgjedhjeve demokratike, të lira dhe të ndershme në Shqipëri.
LSI-ja është partia më e sulmuar padrejtësisht nga PS-ja dhe PD-ja që nga viti
2005 në mënyrë të vazhdueshme. Tmerri i tyre është rinia e LSI-së, sepse e
gjithë rinia e Shqipërisë sot është me LSI-në.

Personi që u rrah nuk ishte i ri, por një njeri i
zakonshëm dhe jo në moshë të re.

Ai
ka qenë kryetari i LSI-së së fshatit Rabosh. LSI-ja e ka rininë e të gjithë
Shqipërisë me vete, por ata nuk mund ta pranojnë këtë gjë. Rinia është me
LSI-në, dhe e gjithë lista e kandidatëve të Tiranë janë të rinj.

Si
mund të jetë rinia me Lulin, i cili, për aq muaj që ishte në çadër, thoshte që
35% e listave të kandidatëve për deputetë të republikës së re do të jenë nga
FRPD-ja, por as kryetari i saj nuk është në listë.

Për
të mos folur për Rilindjen, e cila edhe kryetarin e FRESH-it e ka renditur të
njëzetin në listë, domethënë në fund të listës. Nuk po them se është thjesht
çështje liste, por rinia është me LSI-në, sepse LSI-ja është parti e rinisë.

Ju e keni renditur të parën vajzën e FRESH-it.

Nga
i pari deri tek i fundit ne i kemi vetëm të rinj, përveç Luan Ramës që është
gjithmonë i ri, për shkak edhe të poezisë dhe letërsisë.

E mbyllim pjesën e parë me Luan Ramën dhe poezinë.
Z. Meta, e mira është që tonet të ulen dhe njerëzit të mos kenë frikë nga gjuha
e dhunës dhe fakti që dikush mund ta…

Rudina,
unë jam njeriu më i angazhuar për këtë gjë. Unë nuk do të isha marrë fare me
fushatë, por do të mbështesja vetëm kandidatët e rinj të LSI-së, sepse e kam
detyrim ndaj tyre. I dua shumë, i dua si fëmijët e mi, sepse janë të paparë,
një model atdhetarie, moderniteti, pasioni dhe solidariteti.

Është
diçka krejt tjetër, që vetëm ata që kanë ardhur dhe kanë jetuar në Jalë mund ta
kuptojnë se çfarë përfaqësojnë këta të rinj, të cilët, pas kthimit nga Jala as
prindërit e tyre nuk i njohin kur kthehen në shtëpi për shkak të përkushtimit
ndaj familjes, për shkak të asaj që bëjnë punë që më parë nuk i kishin bërë
kurrë në shtëpitë e tyre dhe shumë gjëra të tilla.

Kështu
që, unë mendoj që ky investim i jashtëzakonshëm që LSI ka bërë tek të rinjtë,
është një investim i jashtëzakonshëm që ka bërë jo thjesht për vete dhe
aspektin elektoral, por për të ardhmen e vendit për të pasur një politikë
tjetër dhe jo politikanë që nuk marrin asnjëherë përgjegjësi. Që gjithmonë do
gjejnë ose e ka fajin Saliu, Luli, LSI-ja, por vetëm tepsia nuk ka faj.

Edhe këta përgjegjësi për LSI-në do të marrin. Apo
për Shqipërinë?

Këta,
në radhë të parë janë edukuar që të marrin përgjegjësi për Shqipërinë dhe
padyshim që LSI-në ta shikojnë gjithmonë në funksion të Shqipërisë dhe jo
Shqipërinë në funksion të tepsisë.

Doja ta mbyllja me poezi, por jo me tepsi e
mbyllëm, gjithsesi. Pavarësisht fjalorit, çfarë të keqe kanë fjalët zarf,
tepsi. Nuk ka ndonjë gjë të keqe. Në fund të fundit nuk kemi pse të flasim për
Hënën, kjo është fushata dhe këta janë njerëzit. Të gjithë duan zarfa, por ju
sulën atij të shkretit.

Fushata
është programi, reflektimi, evidentimi suksesit dhe përmirësimi që ti do ti
bësh qytetarit shqiptar kur je apo ke qenë në qeveri. Fushata nuk mund të jetë
tepsi, timon, më lanë këta, s’më bën këta. Nuk e di se për çfarë e ka penguar
LSI-ja zotin Rama? Si mund ti hapte ai 300 mijë vende pune, kur po të shikojmë
që investimet u drejtuan jo në sektorë që hapin vende pune, si bujqësia, ku
subvencionet janë pesë herë më pak se në Kosovë dhe dhjetë herë më pak se në
Maqedoni, të cilat janë dy vende më modeste sesa Shqipëria? Si mund të ecnin
investimet në këtë mënyrë kur u harxhuan kaq shumë lekë për palma dhe investime
luksoze…

Kemi folur edhe për rilindjen
urbane. Jemi dakord që të investohet për sheshe e gjëra dhe të bëj gjëra të
shëmtuara si Kulla e Korçës. Është një tmerr. Të harxhosh aq milion euro për
Kullën e Korçës. Korça është një nga vendet e pakta për fat të mirë që nuk
është dëmtuar dhe ka ruajtur një lloj fizionomie

Po mirë duket sikur na i ka marrë
lekët Kulla e Korçës të gjitha. Nuk ikën aty…

Po kemi edhe betonin e Durrësit e
kemi shumë gjëra të tilla në Shqipëri të cilat janë projekte emocionale pa
asnjë dobi praktike. As ndihmojnë turizmin e as ndihmojnë bujqësinë. Nuk
ndihmojnë e asgjë të tillë dhe për këtë nuk mund ta ketë fajin LSI-a sepse
LSI-a i besoi drejtimin dhe gjithçka ai ka dashur, ne ia kemi dhënë. Ndoshta ky
ka qenë gabimi i Lëvizjes Socialiste për Integrim sepse nuk ndodh as në
Gjermani. Koalicionet kur bëhen ka përgjegjësi të ndara, se kush është
përgjegjësia e kancelarit apo kancelares apo kush janë përgjegjësitë e partive
që kanë drejtimin e ministrive të caktuara . Ku me ministrinë e LSI-së ka bërë
çfarë ka dashur. Edhe strukturat fshehurazi ministrave i ka ndërruar që s’mund
të ndryshohet, ku edhe prioritetet e ministrive i ka lëshuar sipas dëshirës së
tij e sipas Ministrisë së Financave. Gjithçka, dhe prapë LSI-a ka qenë shumë e
qetë. Ministrinë e Transportin e ktheu në gjysmë ministri. Ministrinë reale e
bëri FSHZH se atë e kontrollonte vetë. Ministrisë së bujqësisë i hoqi tërë ato
struktura.

Domethënë për shembull për By-pass e
Fierit se duhet kërkuar llogari ministrit të Transportit, po FSHZH-së…

Për Bypass e Fierit duhet kërkuar
llogari ndoshta edhe z. Bashës sepse Bypass-i është një kontratë e bërë shumë
herët e cila është bërë siç kemi edhe problemin e Rrugës së Elbasanit. Janë
bërë në kushte do të thoja mjaft të pafavorshme për shtetin dhe me interes të kontraktuar
të cilët kanë fituar me çmime gjëra shumë të lira por pastaj nga pas me fatura
shumë të shtrenjta dhe me projekte të paqëndrueshme të cilat është dashur të
rishikohen. Kështu që nuk është problemi. Ne kemi ndërruar edhe ministrinë e
Transportit, 2 apo 3 herë ministrin e drejtësisë qoftë edhe për qejfin e z.
Rama edhe pse ministri i Drejtësisë ngrinte çështje të drejta. Thjesht për të
lehtësuar atë si të thuash bashkëpunimin. Por ky nuk e njeh bashkëpunimin p
or njeh diktatin,
imponimin, arb
itraritetin
dhe ky është problemi. Në 1000 veta që ka Kryeministria, nuk ka 1 të LSI-së.
Edhe zëvendës Kryeministri se thotë timonin nuk lanë. Tek timoni Niko Peleshi
ka pasur, s’ka pasur njeri tjetër. Gjithë kryeministrinë e ka pasur vetë e
gjithë atë pjesën e parë të autobusit.

Epo z. Basha u shpreh në “Dritare”
para një jave se ju nuk i thoni këto gjëra e nuk i keni thënë në kohë. Nuk i
thonit sepse donit të merrnit llokmat e pushtetit?

Jo, llokmat i do ai. Po të ishte
serioze kishte marrë policinë.

Po për një muaj?

Po për çfarë i mori? Po, për një
muaj por s’ka rëndësi për çfarë i mori. Tani, LSI-a ka folur për drogën para
Lulzim Bashës. Lulzim Basha ka mbyllur gojën për drogën.

Ja keni thënë në vesh z. Rama por
nuk keni folur publikisht..

Jo, kemi folur hapur ne dhe është
kërkuar të hyjë dhe ushtria për këtë punë.

Kur foli z. Manjani ishit ju atëherë
nuk ishte ai?

Ku themi ne, kam parasysh atë që kam
përfaqësuar unë deri dje, Lëvizja socialiste për Integrim dhe të tjerë. Ia kemi
thënë edhe në tavolinë z. Rama që situata është shumë e rëndë. Për këtë i ka
thënë Luan Rama vazhdimisht. Katër vjet nuk është mbledhur asnjëherë Komiteti
për luftën kundër drogës që duhej raportuar në parlament. Nuk është raportuar
dhe nuk është thjesht një rastësi. Ashtu sikurse edhe lirimi i nënë Feridesë
nuk ishte një rastësi. Ishte një mesazh jo vetëm për nënë Feridenë që kishte
disa gramë kanabis. Nuk e di për çfarë ishte dënuar e shkreta, por ishte mesazh
për ata jashtë burgut që kanabis do ketë ardhur në këtë vend për fat të keq siç
edhe e dëmtoi shumë imazhin e vendit dhe jo vetëm aq. Na kanalizoi pjesë shumë
të rëndësishme të shtetit sikurse është edhe policia e shtetit. Kështu që nuk i
ka pasur asnjë përgjegjësi LSI-a dhe LSI-a ka pasur më shumë pushtet në kohën e
Berishës që ishte faktor më pak përcaktues se sa ka pasur tani. Përkundrazi,
por natyrisht dëshira e tij për të shkatërruar reformën në drejtësi, për të
bërë një reformë si puna e këtyre koncesioneve, pra e ka marrë vetë me
koncesion drejtësinë pa opozitën. Po të ishte bërë kjo gjë, jo vetëm Luli do
kishte dalë në çadër me kohë dhe Shqipëria nuk do kishte marrë rekomandimin
pozitiv të Komisionit Evropian në hapjen e negociatave. Dialog në politikë
është kyç pra është kusht i padiskutueshëm
për
avancimin e një procesi integrues. Kështu që, tjetër merak ishte natyrisht që
ne nuk ishim dakord që të bëheshin zgjedhje pa opozitën sepse si mund të bëhen
pas 27 vitesh zgjedhje pa opozitën? Ne e dimë çfarë solli në ’96-n, me opozitën
dhe çfarë solli, pale të shkonim në zgjedhje pa opozitën. Një palë zgjedhje në
Kavajë nuk u bënë dot pa opozitën, jo më të bëheshin zgjedhje në Shqipëri.

E mbyllim këtë pjesë të parë, z. Meta, me faktin
se Nënë Ferideja ishte simboli i qeverisjes Rama, sinjali…

Po
duket që ishte një mesazh….

Ishte një mesazh por ju a e kuptuat që në fillim
në atë kohë që ishte mesazh?

Doktori
e tha i pari por unë nuk e mora seriozisht, siç nuk e mora seriozisht për
avionët drogës në Divjakë. Mendova që do i kenë ngatërruar banorët e zonës atje
me avionët kundër mushkonjave. Kur pastaj ajo doli e vërtetë, u ndjeva keq që
thashë që këto duhet të jenë për të bërë dezinfektimin e mushkonjave, të
Ministrisë së Shëndetësisë.

E thatë se kështu e besonit…

Unë
ashtu e besova, nuk më shkonte mendja kurrë. Apo kur ndodhi ajo e Ishmit pastaj
ishte akoma më e rëndë. Ishte bërë një pistë atje dhe vinte ai 60 e ca vjeçari
dhe u ulte rehat atje. Pastaj se ç’pati, ngeci. Mirë që e kapi media, opozita
që u bë zhurmë sepse po të ishte për policinë do të thoshin që nuk ka pasur asnjë
problem.

Edhe në kohën e Berishës ju në fund i morët gjërat
seriozisht. Domethënë ka diçka të përbashkët në mënyrën se si silleni me
Kryeministrat…

Jo,
nuk është fare e vërtetë. Nuk është kështu. Në kohën e Berishës, ne ishim gati
të prishnim koalicionin me të, hapur, publikisht, në Parlament kur Berisha
ishte duke krijuar një problem me NATO-n për Ligjin për Shërbimin Informativ.
Dhe ka qenë e qartë, ka qenë e prerë që ishte një çështje madhore. Për çështje
të tjera kemi pasur qëndrimin tonë. Ai thoshte ne konkurrojmë me Gjermaninë për
ekonominë, ne thoshim që situata është delikate. Ne kemi kërkuar ardhjen e
FMN-së shumë përpara Berishës, publikisht. Berisha nuk e donte, por shumë
përpara se           qeveria të mbyllte
mandatin. E kështu me radhë edhe për shumë çështje të tjera. Por ajo që duhet
të kemi parasysh është që LSI ka qenë edhe në 2009-n edhe në 2013-n si garanci
për stabilitetin e mazhorancës, për funksionimin e institucioneve dhe të
procesit të integrimit evropian. Përgjegjësinë e ka pasur Partia Demokratike
dhe natyrisht e ka pasur Partia Socialiste për arsye të rezultatit. Kështu që,
LSI-a asnjëherë nuk ka pasur përgjegjësinë e drejtimit të qeverisjes. Kështu që
ajo që ndodh tani është që LSI kërkon të marrë drejtimin e qeverisë për të
sjellë një drejtim të ri dhe të provohet.

Z. Rama thotë që ne e duam vetë timonin pa ata,
sepse na pengojnë…

E
ka pasur.

Z. Veliaj që kërkon votën për një Tiranë, ku
kryeministër në këtë vend duhet të jetë Rama, sepse kjo i mundëson zhvillimin e
kryeqytetit. Pse po të kishte LSI-a drejtimin, z. Veliaj nuk do ta kishte këtë
mbështetje, i cili duhet thënë dhe pranuar që nuk duhet thënë asnjë fjalë
kundër jush?


pari, mua më vjen keq që z. Rama bën një fushatë spekulative duke frikësuar
qytetarët që po nuk ishte ai, Tirana nuk do të ketë mbështetje dhe projekte.
Sepse duhet të dinë qytetarët e Tiranës, sidomos socialistët e Tiranës që
pavarësisht se çfarë thotë Lali Eri, sipas grupit të këshilltarëve në Bashkinë
e Tiranës, z. Rama i ka dhënë më shumë mbështetje financiare për Tiranën z.
Basha se sa z. Veliaj. Natyrisht që kjo është një detyrë partie e Erionit që të
promovojë edhe ai kandidatin e partisë së tij për kryeministër dhe kjo është
normale dhe e pranueshme. Por unë dua të siguroj edhe Erionin, edhe Edin, edhe
të gjithë qytetarët e Tiranës është që Lali Eri do të ketë mbështetje akoma më
të madhe nga Petrit Vasili si kryeministër i ardhshëm, por natyrisht edhe me
atë kërkesën që të investohet më shumë tek Bregu i Lumit, tek Josif Pashko, në
Shkozë, në Misto Mame, në Selitë dhe në disa zona të tjera. Patjetër edhe në
periferi të Tiranës që tashmë janë pjesë e Tiranës, sipas kësaj reforme, në
mënyrë që kudo njerëzit të ndjehen mirë që jetojnë në kryeqytet dhe janë pjesë
e zhvillimeve të tij.

I shkon një politikani të majtë që ta mbështesë aq
shumë z. Berisha?

E
para një herë doktori është shumë herë më i majtë sesa Edi. Për këtë të jeni e
sigurt. Unë nuk është se i shoh shumë në këtë aspekt gjërat. Unë e kam
vlerësuar për disa qëndrime të tij, edhe pse kemi qëndrime të ndryshme për
shumë çështje të tjera. Natyrisht që edhe respekti gjithmonë është diçka e
rëndësishme në politike, sidomos kur ke bashkëpunuar me të dhe ke kohë që nuk
bashkëpunon më.

Keni thënë që është politikani më korrekt i
tranzicionit.

Kjo
është e vërtetë. Edhe para se ta them publikisht ia kam thënë edhe Ramës, ia
kam Ruçit. Ka qenë edhe Petrit Vasili. Unë nuk dua që Berisha të mbetet në
CV-në time politikani më korrekt se nuk është mirë. Shqipëria duhet të ketë
shumë politikanë të tjerë, të cilët mbajnë fjalën, janë transparentë, kanë
integritet, marrin përgjegjësi. Në shohim politikanë që asnjëherë nuk mbajnë
përgjegjësi. Gjithmonë duan t’ia faturojnë të tjerëve.

Z. Basha është me kokën pas nga z.Berisha apo
vendimet e tija janë vendimet e tija?

Nuk
më intereson kjo çështje, është çështje e PD-së. Ajo që më intereson mua është
që z. Basha dhe PD të kontribuojnë për një proces zgjedhor në përputhje me
kauzën që ngritën tek çadra e lirisë, siç u quajt.

Ju e keni mbështetur z. Basha shumë apo jo?

E
kam mbështetur shumë. Asnjëherë nuk i kam kaluar takimet pas orës 12 të natës.
Kanë qenë takime të ndriçuara.

I pandriçuar është ai takimi i herës së fundit që
thatë, në kohën e çadrës.

Edhe
ai para orës 12 ishte. I ndriçuar ishte. Ishte me dëshmitarë dhe persona
seriozë.

Nuk e mbajti fjalën gjithsesi z.Basha?

Nuk
është ndonjë habi. Habi është kur mbaj fjalën. Ky është problemi.

Megjithatë ju nuk e prisnit prej tij marrëveshjen
me z. Rama?

LSI
ka qenë për marrëveshjen. Ka qenë e bindur që zgjedhjet kishin probleme. Ka
qenë e bindur që droga është një problem edhe sot. Që lidhja e policisë me
segmente të drogës dhe me elementë kriminalë në terren është një problem,
sidomos në zonat e Veriut por edhe në Shqipërinë e Mesme. Kështu që këto mund
të ndikonin në zgjedhje. Që opozita duhet të hynte në zgjedhje ishte e
padiskutueshme. Që nuk mund të kishim zgjedhje si ato to Bashkisë së Dibrës,
edhe kjo është e qartë. Dhe LSI-a ka qenë shumë e ndershme. LSI nuk po ankohet
pse nuk është Petrit Vasili më ministër Drejtësie. Kjo është sakrifica më e
vogël dhe më e pa rëndësishme. Madje është kënaqësi sepse po të ishte ministër
do të angazhohej më pak në fushatë. LSI ishte gati të jepte të gjitha
ministritë dhe të gjitha pozicionet me kushtin që opozita të hynte në zgjedhje.
Po jo të hynte në zgjedhje për të bërë një Task-Forcë ku njerëzit të hiqen në
kundërshtim me ligjin, me statusin e nëpunësit civil, në kundërshtim me
Kushtetutën e vendit, hiqen pa u njoftuar, pa u motivuar, pa u faktuar. Kur
dihet që reforma në administratën publike është një nga reformat kyçë dhe nga
kushtet kryesore për të gjithë ecurinë e Bashkimit Evropian. LSI nuk ankohet
për çështjen e personave të ndryshëm në administratë por ama kur ne shohim që
aktet e dhunës bëhen vetëm tek veprimtarët e LSI-së, ndaj një 18-vjeçari, ndaj
grave e vajzave, ndaj një mësuesi në Fushë-Krujë dhe nuk mbahen qëndrime të
qarta politike nga ana e PS-së, nga ana edhe e Policisë së Shtetit, kur ne
shohim që Kryeministri bën thirrje që policët të mbledhin vota për PS-në. Kjo
është një gjë shumë e rëndë. Kur ai e bën publikisht këtë thirrje mendoni se
cili është mesazhi direkt që u jepet. Mesazhi direkt që u jepet është që gjithë
ditën, me kapele apo pa kapele, bëni çfarë të doni, në qoftë se doni që të
rrini aty duhet të bëni hatanë mbi kutitë e votimit. Këto janë gjëra shumë të
rënda.

Po
ju, në momentin që flasim, si Kryetar i Kuvendit, a keni një mesazh për
Policinë e Shtetit?

Gjithë policët në Republikën e Shqipërisë e dinë shumë
mirë që në qoftë se ka pasur ndonjë politikan, edhe kur ka qenë Kryeministër,
edhe kur s’ka qenë, që i ka qenë krah Policisë në ditët e saj më të vështira,
kur është sulmuar nga banditët, që nxiteshin nga forcat e djathta, apo kur
është sulmuar në institucione nga banditët që nxiteshin nga gjoja të majtët,
Ilir Meta ka qenë gjithmonë i prerë në mbrojtje të Policisë së Shtetit, sepse
Policia e Shtetit është siguria e parë publike për çdo qytetar, për çdo fëmijë,
për çdo prind, për çdo të moshuar në Republikën e Shqipërisë. Por, është tjetër
Policia e Shtetit që vepron në bazë të ligjeve të saj, në bazë të ligjeve të
shtetit. Është tjetër pastaj ajo që jemi detyruar ta quajmë edhe një çikë
Policia e drogës, por edhe Policia e bandave. Dolëm vendi i dytë në botë për
prodhimin e marijuahanës. Është një gjë shumë e rëndë. Lexoni raportin e
Departamentit të Shtetit të këtij viti se çfarë tmerri është. Dhe kjo gjë dihet
që është bërë me angazhimin e një pjese të mirë të Policisë. Dhe si kompensim,
përveç përfitimeve që ata kanë pasur, flasim për drejtuesit, nuk flasim për
drejtuesit e thjeshtë…

Flasim për Saimir Tahirin?

Flasim për të gjithë ata që bërtasin për Vettingun pa
bërë ende testin e drogës për vete. Kështu që në Shqipëri Policia duhet t’i
shërbejë shtetit dhe ligjit dhe duhet të jetë e të gjithëve. Policia, Ushtria,
diplomacia janë shtyllat e palëkundura të një shteti serioz. Këto janë kolona
të padiskutueshme, nuk mundet kurrsesi Policia të angazhohet në çështje të
tjera. Për shembull, deklarata e Policisë së Pukës dhe thotë që kandidates së
LSI-së bashkë me kryetaren e LRI-së u dalin përpara disa drejtues të PS-së së
Pukës, i godasin, etj, etj, kalon edhe Policia aty, i shtyn këta edhe më
shumë…

Këtu duhet sikur ka një non-sens, se përse duhet ta
godasë Policia një grua?

Sepse është polici bande dhe jo polici shteti. Sepse
është një polici që është emëruar në mënyrë politike. Sepse shefi i
komisariatit të Lezhës që mbron gjithë këto personat në kërkon të rilindjes
është kushëriri i kandidatit të dytë të rilindjes në Dibër. Dhe ka vajtur atje
për këtë qëllim sepse po të ishte ndryshe do të çonin atje një shef policie të
fortë që t’u tregonte vendin.

Thonë që zonjat krijuan një skenë sepse në fakt ishin
duke shpërndarë para…

E tha policia këtë, po si mund t’i shpërndanin ata
paratë. Kujt do t’ia shpërndanin, këtij të deleguarit të Partisë Socialiste
sepse ai i ka goditur. S mendoni ju? Pra, kjo është policia e drogës që gënjen,
që mashtron. Edhe ministri me shumë të drejtë ka kërkuar shkarkimin e shefit të
komisariatit të Pukës dhe këto akte dhune nuk kanë ndodhur vetëm kundër LSI-së
në Pukë, por edhe ndaj Partisë Demokratike, sepse po të vendosësh banditë në
krye të institucioneve, në krye të policisë, këto akte do të kemi.

Ndërkaq të dyja partitë e mëdha e kanë thënë shumë qartë
që nuk do ju përfshijnë në koalicionin e ardhshëm…

Koalicioni i errësirës është koalicion humbës në
zgjedhjet e ardhshme. Kjo është e padiskutueshme, kështu që se çfarë thonë ata
është e drejtë e tyre. LSI-a do të ketë drejtimin e ri të qeverisë dhe do të
krijojë shumicën e duhur për të qeverisur Shqipërinë.

Z. Basha iu tha votuesve që kemi bërë gabime në 2013-n,
tani nuk ka më gabime, kthehuni në shtëpi. Madje përdori fjalën, do të
përfundoni si Baftjar në hauret e Republikës së vjetër po nuk u kthyet në
shtëpi…

Republika e vjetër është ajo që etiketohej nga çadra
republika e drogës, republika e krimit, etj, kështu që
do ta ketë pas për kolegun e tij të
errësirës, Romeon.

Ju keni ndryshuar mbas mitingut të
datës 15 apo mbas sondazheve keni një lloj qetësie tjetër?

Tani unë sondazhet i dijë me kohë, siç i dinë edhe ato të tjerët.

Ju dini të gjithë sondazhe të
ndryshme kam përshtypjen?

Derisa sondazhet e Rilindjes e japin LSI me 17 deputetë, kur e
jepnin në 2005 me 5, kuptohet që shumëzojeni me tre është automatikisht forcë e
parë. Sondazhi më i mirë është sondazhi tek njerëzit dhe sondazhi më i mirë
është edhe frika e humbësve. T’i bësh thirrje policisë. Çfarë do të thotë? Do
të thotë fundi i botës. Të kërcënosh Tiranën që po nuk u votua PS, do të ngeli
Lal Eri pa projekte, kur i ke dhënë më shumë Lulëzim Bashës në dy vitet e para
sesa kur i ke dhënë Lali Erit tani në dy vitet e fundit, çfarë tregon kjo?Kjo
tregon humbje ekuilibri…

Pse edhe Lali Erit nuk i jep para
z. Rama?

Po i ka dhënë më pak. Shikojeni me statistika për banorë, për
frymë, ka marrë më shumë z. Basha sesa ka marrë Lali Eri.

Po z. Basha bëri ndonjë gjë me ato
lekët që mori?

Qytetarët e Tiranës e dinë..

Z. Basha mund të ketë fjalor
fushate i gjithi që u përdor? Dhe a mund të ketë rikthim në marrëdhënien me një
njeri, të cilin ju e keni vlerësuar?Po flas pas zgjedhjeve? Midis z. Vasili dhe

Kjo është një çështje që i takon z. Vasili dhe kryesisë së LSI-së.
Unë tani jam thjesht një anëtar i LSI-së dhe siç thonë kot ata lider historik..

Pse kështu ju thonë? Se z. Nano kjo
fraza lider historik nuk i doli mirë….

Po nuk ka problem. Nuk përsëritet gjithmonë e njëjta gjë. Ajo që
ne dëshirojmë të shikojmë tek z. Basha është që ai të përpiqet të kontribuojë
për një proces zgjedhor të ndershëm. Me integritet. Kjo është kryesorja. Pastaj
pas zgjedhjeve këto nuk janë vendime që do ti marr unë. Janë vendime që do ti
marri kryesia e LSI-së. Z. Basha e kam thënë edhe më parë ka një avantazh, që
nuk ka një lidhje simbiotike me bandat dhe me persona me rekorde kriminale. Nuk
e ka këtë lloj varësie. Mund të ketë varësira të tjera, por këtë nuk e ka. Dhe
kjo është një gjë pozitive sepse 25-26 qershori do të jetë një ditë e
rëndësishme ndarjes së politikës dhe policisë nga krimi. Në mënyrë që vërtetë
të fillojmë edhe zbatimin e një reforme në drejtësi, e cila besohet nga të
gjithë qytetarët shqiptar. Harrova që ka edhe një avantazh tjetër. Ka një
fotografi me Presidentin Trump.

Nuk është tip fotografie nga ato që
thotë z. Rama, që ai nuk e njihte fare Bashën, por doli kot?

Nuk e di me bilal, pa bilal, por e ka kaq…

Shumë e çuditshme z. Basha është
duke dënuar dhunën ndaj militantëve të LSI-së?

Shyqyr që u kujtua mbas interesimit të Zërit të Amerikës, tek
ministri që ka propozuar z. Basha për dhunën ndaj militantëve të LSI-së. Në
qoftë se e ka bërë, ka bërë gjënë më të mirë.

Po, është duke e bërë tek
“Studio e Hapur”…

Ashtu sikurse unë do të denoncoja çdo dhunë ndaj çdo votuesi
socialist, apo ndaj çdokujt tjetër sepse është e tmerrshme të bëhen represione
për votën. Kjo është e papranueshme, secili ka të drejtën të komunikojë, të
kërkoj votën e tij në mënyrë demokratike, të qetë, por kurrsesi të dhunojnë
njerëzit pse kanë një mendim ndryshe apo një alternativë ndryshe. Nuk mund të
jetë kjo Shqipëria që duam.

Shqipëria që duam mund të jetë
Shqipëria ku do të qeveris PD-LSI?

Shqipëria që duam është Shqipëria reale. Është Shqipëria më jetike
që kanë njerëzit, të cilat duhet të jenë në qendër të qeverisë së ardhshme,
cilado qoftë ajo dhe nuk mund të jetë më Shqipëria virtuale që ne e krijojmë me
mediat, me fjalime duke çmendur njerëzit. Me sondazhe. Mos harrojmë sondazhe të
tjera që nxirrnin policinë institucionin më të besueshëm në botë, kur situata u
përmbys në farë pak muaj sepse mund të korruptoheshe, por kreun e anti-mafias
në Itali nuk e korrupton dot?
Njeriu më me
autoritet ne Itali pas Presidentit të Republikës.

Kështu
që në këtë drejtim Shqipëria që duam është Shqipëria që ecën çdo ditë drejt
progresit, është Shqipëria ku njerëzit i japin dorën njëri tjetrit për të ndihmuar
atë që është më në vështirësi dhe jo ku më të fortët shtypin më të varfrit më
të dobëtit edhe mburren se po bëjnë shtet. Shqipëria që duam nuk është një burg
i madh ku Edi është drejtori i burgut por ky është një burg i bukur sepse e
lyejmë me ngjyra. Jo. Shqipëria që duam është një vend i lirisë, i votës së
lirë në radhë të parë, i demokracisë, i mendimit alternativ, dhe i respektimit
të ligjit duke filluar nga Presidenti, Kryeministri, Kryetari i Parlamentit dhe
pastaj tek qytetari më i fundit. Sepse të rrimë me kryetar bashkie me nga 10
apo 20 emra e ti mbrojmë për vite të tëra që janë njerëzit më të ndershëm e më
me integritet, ta mbushim parlamentin me deputetë të dënuar në të gjithë botën
edhe tu bëjmë shenjë të godasin opozitën me grushte e të vonohet reforma në
drejtësi për shkak të dekriminalizimit e të themi e kanë të tjerët fajin për
reformën në drejtësi nuk shkon. Nuk është kjo Shqipëria që duam.

Reforma në drejtësi ishte çfarë na ndau me Z. Meta
ka lënë të kupohet në të gjitha mënyrat z. Rama. Ishte fakti që ju tërhiqte pas
juve republika e vjetër e gjykatësve, prokurorëve.

Reforma
në drejtësi që donte z. Rama ishte praktikisht reforma që bëri në drejtësi me
drogën dhe më këtë situatë që ka policia sot. Dhe këtë reformë donte në mënyrë
që të ketë një polici që fsheh provat e krimit dhe jo që godet të fortët. Një
polici që dhunon dhe mban nën presion qytetarët e thjeshtë dhe të pambrojturit
apo akoma më tepër ata që nuk janë me rilindjen sepse për PS nuk u bëhet vonë
prej kohësh dhe nëse reforma në drejtësi sot është në këtë moment që është e
vonuar por të paktën nuk është shkatërruar nuk është kompromentuar kjo është
vetëm prej LSI-së dhe Ilir Metës. Sepse Rama donte një reformë që ta kapte
drejtësinë, ta përdorte.

Si ta kapte ?

Përmes
formave si ka kapur policinë. Njëkohësisht donte një reformë pa opozitën, donte
ta shkatërronte opozitën dhe ta nxirrte fajtore qe ishte opozita pengesë për
këtë reformë dhe natyrisht që donte atë reformë që ta ndihmonte atë të bëhej
drejtor i burgut të madh që quhet Shqipëri por që është me ngjyra.

Kjo është ëndrra e Z. Rama?

Për
fat të keq po dhe ja kam thënë këtë gjë por nuk më ka dëgjuar.

Çfarë thotë z. Rama kur ju thoni se ka ëndërr
burgun. Si përgjigjet?

Nuk
është se e pranonte me dëshire por edhe ai është i bindur se thellë-thellë që
ky mund të ishte projekti më i mirë që ai mund të bënte në jetën e tij për
arsye se ai ka problem të madh nga mendimi alternativ, nga mendimi ndryshe, nga
debati dhe e vetmja gjë që nuk di të bëjë të krijojë ekip dhe nuk di të punojë
në ekip. Edhe ekipi i rilindjes pavarësisht nga interesi që ka është një ekip i
përçarë që nuk rrezaton as solidaritet, as kohezion dhe asnjë vlerë që të jetë
një ekip po themi socialistësh.

Ju në njëfarë mënyre në vitin 2013 e bëtë z. Rama
kryeministër.

Tani
nuk është kështu sepse kështu thoni gjithmonë ju, ti mbajte Berishën, ti mbajte
Ramën. Këto janë votat e shqiptarëve.

Ju i përdorët në këtë mënyrë?

Ne
kemi respektuar vullnetin e qytetarëve shqiptarë dhe e kemi bërë këtë për t’i
dhëne PS-së atë peshë që morri në qeverisjen e vendit. Nuk e kemi zgjedhur ne
Edi Ramën kryetar të PS-së e kanë zgjedhur socialistët.


dyti ne kishim dy zgjidhje- ose do t’i jepnim një mandat të dytë Z/ Berisha dhe
po të ishte një koalicion LSI-PD te jesh e sigurt se mbi 80 mandate do të
fitoheshin prapë. Ose mbas 8 vitesh do të krijonim mundësinë për t’i dhënë një
shans Z, Rama ose PS-së, sepse po të ishte për z. Rama unë e kam thënë për
shkak të pabesive të tij tepër të njohura dhe legjendare ndaj meje personalisht
por ndaj LSI-së në mënyrë të veçantë sepse i vetmi projekt i tij strategjik ka
qenë shkatërrimi i LSI –së dhe jo thjesht Lsi,
por shkatërrimi i Ben Blushit i çdo gjëjë që mendon se mund të jetë pengesë për
të drejtuar në mënyrë uzurpatore edhe të dhunshme.

Ne
ja dhamë PS-së këtë mundësi dhe kemi qenë tepër të hapur, tepër luajalë madje
kemi qenë shumë të hapur për të bërë një bilanc të koalicionit. Kur thotë psh
pse nuk bën koalicionin? I kemi thënë hajde bëjmë bilancin.

Bilancet si do
bëjmë një koalicion të ri, kemi bërë një marrëveshje, si i kemi qëndruar kësaj
marrëveshje; kemi pasur një program, çfarë kemi realizuar; sepse në qoftë se do
të bëjmë një koalicion dhe kemi qenë të hapur për të bërë një koalicion me PS,
do ta bëjmë mbi bazën e një vlerësimi të asaj që është bërë. Ai asnjëherë nuk i
ka qejf këto punët e ballafaqimeve, të vlerësimeve, të analizave etj, sepse
gjithmonë kërkon t’i shmanget përgjegjësive.

Edhe ju z. Meta, duhet pranuar që në kohën për të cilin
flisni dhe ia hidhni të gjithë fajin z. Rama këtej nga fundi kur po
përcaktoheshin koalicionet, ju, në gjuhë të thjeshtë, dukej sikur po luanit me
shumë porta. Kishit një pavendosmëri kujt do t’ia jepnit mandatin me votat
tuaja.

Kë mandat?

Të parin Ramës apo të dytin Bashës?

Për tani?

Po. Jo, kjo ka
qenë e qartë. Mandatin do ta merrte LSI-ja. Ky ka qenë shqetësimi i tyre.
Prandaj njëri donte zgjedhje pa opozitë, tjetri s’dilte nga çadra pa u futur në
qeveri. Ky ishte problemi i tyre.

Kështu që e mbyllët, thatë Vasili dhe mjaft…

Doktorit ia dhamë
mundësinë. Edhe Partisë Socialiste ia dhamë, që të tregonte si bëhej shteti.
Tani, do ta marrë LSI-ja që të tregojë se ku dallohet nga këto dy forca të
tjera politike. Edhe i takon.

O të gjitha o asgjë?

Edhe njëshi kot
nuk ra atje.

Jo, s’ka asgjë që vjen rastësisht. Ajo që kërkon vjen. Ka
edhe një problem tjetër. Ju mund të jeni edhe në opozitë këtë radhë. Ata mund
t’ju nxjerrin edhe në opozitë. Është tmerr ky për ju?

E para nuk është
tmerr për LSI-në, e cila është krijuar si parti opozitare. Duke u divorcuar me
një pushtet arrogant, të mos harrojmë 2004-n. Opozitë e fortë dhe e ashpër.

Bëtë një akt.

Jo akt, akt dhe
proces historik. Proces historik që vazhdon si proces.

Ngaqë jemi vite më pas dhe pushtet i akumuluar.

Ky ka qenë
pushtet fare modest në raport me peshën që ka patur dhe ka LSI në elektorat dhe
përcaktimin e qeverisjeve. Të mos harrojmë që LSI, sot është forca që ka
mbështetjen më masive të rinisë. Një parti që ka kaq shumë rini, e vetmja gjë
që nuk mund të ketë frikë është opozita. Opozita është një luks në këto kushte.
Jo aq sa erdhën te sheshi dhe mitingu i para disa ditëve. Pesë herë më shumë do
të vijnë nëse do të ketë koalicion Rama-Basha, sepse është një koalicion që nuk
mund të funksionojë, pa këllqe, pa asnjë lloj integriteti, e natyrisht është
koalicion mes njerëzve në garë se kush ta mbaj fjalën më pak se tjetri

Për këtë bëjnë garë këta të dy?

Kuptohet që
rezultati i zgjedhjeve do të jetë rezultat tepër ndëshkues për këtë komedinë e
fundit që bënë atë.

Flasim për mesazhin tuaj. Ju jepni ende mesazhe
elektorale, kjo nuk është se është e papranueshme.
..

Unë mund të isha
kryetar i LSI-së sot. S’kam asnjë pengesë kushtetuese. Mund të vija emrin tim
te lista e votimit prapë. Mund të isha edhe kandidat për deputet. Nuk ka asnjë
pengesë kushtetuese. Deri në 23 korrik nuk ka asnjë problem. Mesazhi im, nuk do
të isha kaq i përfshirë në zgjedhje dhe nuk do të isha kaq impulsiv dhe kaq
ballafaques, apo edhe konfrontues, nuk ka asnjë rëndësi, për mua ajo që është e
vërtetë nuk ka përse të moderohet, në rast se këta dy zotërinj do të kishin
bërë një marrëveshje të ndershme, që njerëzit të shkojnë në zgjedhje në mënyrë
të qetë, që institucionet e shtetit të mos ndërhyjnë të mos bëjnë presione, që
KQZ-ja të zbatojë ligjet e të mos përpiqet të mbajë qëndrime të paligjshme dhe
diskriminuese dhe defavorizuese për njërën palë etj, e secili të dilte me
programin e tij. Kjo do të ishte gjëja më normale. Të dilnin edhe në debate
televizive edhe Rama me Bashën, edhe Vasili, edhe kushdo tjetër. Dhe nuk do të
ishte e nevojshme që unë të kisha këtë angazhim. Në momentin që këta të dy
bëhen kundër standardeve të zgjedhjeve, natyrisht unë jam i detyruar që të
përfshihem sepse është interesi i Shqipërisë që këto të jenë zgjedhje të lira,
demokratike dhe që vullneti i shqiptarëve të mos c
enohet. A ka vlerë Kushtetuta dhe interpretimi i Kushtetutës në
rast se asgjësohet themeli i saj, vota e lirë?

E keni menduar ndonjëherë këtë situatën e sikletshme kur
hyni në Sallën e Kuvendit në 24 korrik dhe ajo është bosh nga PD dhe PS?

Nuk
e kam menduar këtë gjë edhe ajo në çdo rast nuk duhet të jetë bosh sepse duhet
të jenë disa aktor të rëndësishëm aty gjithmonë.

Kam z. Rama nesër në
fakt në intervistë, do ja them këtë punën e burgut me ngjyra. E kam dëgjuar për
herë të parë, “Shqipëria që ai do është një burg por i lyer”. Ka ndonjë gjë që
ju do të donit t’ia thonit tani në fund fushate ?

Tani
ne komunikojmë çdo ditë…

Komunikoni me mesazhe
direkte apo indirekte?

Kemi
mesazhet indirekte. Nuk mendoj se as ju nuk do të merrnit përsipër këtë detyrë
që të përcjellë fjalë.

E thënë President
është një prej figurave më të rëndësishme të vendit. Kështu do të duhej të
ishte për shkak të frikës që patën nga z. Berisha ia morën të gjitha
kompetencat. Tani po e merrni ju në këto kushte me pak kompetenca. Çfarë do t’i
bënit figurës së Presidentit?

Kjo
është një temë që i takon një bisede tjetër pas 25 qershorit. Unë kur jam
zgjedhur kam bërë të qartë që unë si politikan gjithmonë midis pushtetit dhe
demokracisë kam zgjedhur demokracinë dhe e para gjë që do të bëja dhe do të bëj
është që ky institucion të jetë në shërbim të demokracisë dhe absolutisht që do
të bëj çdo gjë që ky institucion të jetë përfaqësues në interes të gjithë
shqiptarëve sepse shumë institucione të tjera kanë qenë në dorë të oligarkisë
dhe shpresoj që edhe ato të çlirohen në 25 qershor.

Cilat janë
kompetencat e Presidentit të Republikës që Ilir Meta do të ushtrojë në rast të
zgjedhjeve problematike sipas jush?

Nuk
kam hyrë fare tek çështja e kompetencave. Kam thënë edhe më parë që nuk më
internojnë shumë kompetencat. Më mjafton..

Ju kërcënuat thatë që
nuk do të dekretonit qeverinë?

Jo,
nuk do të dekretoj personat të cilët do të përfshihen në cenimin e standardin e
zgjedhjeve për kryeministër dhe ministër sepse vendi në çdo rast do të ketë një
qeveri. Ka patur qeveri edhe në vitin 1997, u bë qeveria Fino, në një krizë.
Gjithmonë vendi pa një qeveri nuk mund të mbetet. Dhe natyrisht ky ka qengj një
mesazh shumë i qartë dhe shumë i prerë për t’i bërë të qartë të gjithëve që nuk
duhet të cenojnë votën e qytetarëve shqiptar.

Për njerëzit tuaj ju
e jepni mesazhin për ditë…

Forcë
e parë forcë e paparë!

Kush e gjeti këtë
sloganin?

Forcë
e parë në fakt e kanë thënë për herë të parë të rinjtë e LRI-së atë ditë që unë
u zgjidha president në parlament. E gjetën kështu më shumë i diçka që erdhi si
reagim. Kjo është e para. Ndërsa atë të “paparën” e gjeta vetë rastësisht në
një nga ato mitingjet e zjarrta me të rinjtë dhe të rejat e LRI-së sepse ashtu
janë të paparë.

Një mesazh do të
doja, jo për të rinjtë, për ata e thash e jepni vetë nuk keni nevojë për
ekranin. Po për ata socialist që mendojnë që i keni marrë PS, i keni marrë
poste, pozicione, mundësi dhe ata tani nuk ju duan…

Nuk
është fare e vërtetë. Partisë Socialiste rolin e saj ja ka marrë Rilindja, nuk
ja ka marrë LSI. Ajo që po ndodh faktikisht këto dy javët e fundit mbas
marrëveshjes Basha-Rama është pikërisht një mashtrim që kërkon t’i bëj z. Rama
socialistëve të cilët janë larguar prej tij apo janë të ftohur me të dhe me
Rilindjes e tij për shkak të arrogancës së tyre dhe mosmirënjohjes së tyre ndaj
socialistëve për t’u thënë që të rikthehen paparë për ta votuar se unë ju kam
lënë pas dore se fajin e ka LSI. Në fakt po ta shikosh sot qeveria është
ish-bashkia e Tiranës në të gjitha pozicionet. Në qeveri, në gjithçka. Përveç
listave për deputet, por është çështje e tyre. kështu që LSI-ja me PS apo me
Rilindjen ka patur më pak përfaqësim pavarësisht se rolin e ka pasur shumë herë
më të madh se sa ka patur me PD të Sali Berishës. Kështu që problemi i
socialistëve është vetëm me Rilindjen. Dhe me Rilindjen tani është problemi i
gjithë Shqipërisë dhe i shqiptarëve sepse vetëm rilindje nuk ishte.

Ndërkohë ka një
votues gri, nuk është më gri në fakt, kemi votues që nuk do të shkojë të
votojë. Duhet pranuar që janë shumë…

Unë
ju bëj thirrje të gjithëve të mos harrojnë se edhe në se nuk duan të merren me
politikë për shkak se politika i ka mërzitur, i ka lodhur, prapë politika do të
merret me ta. Shqipëria prapë do të ketë Parlament, Shqipëria do të ketë
qeveri, do të ketë institucione të cilat do të merren me ta. Kështu që është e
domosdoshme që çdo qytetar të shkojë të votojë. Është gjëja më normale të thoja
që të votojnë LSI-në, por kjo nuk është më e rëndësishmja. Më e rëndësishmja
është që secili të marrë pjesë dhe secili të shprehi bindjen e tij, të bëj
aktin e tij që nesër të mos ndihet i penduar përse nuk e bëri, përse nuk
kontribuoi për diçka. Kështu që është domosdoshmëri pjesëmarrja e të gjithëve
në votimet e 25 qershorit. Është një detyrë patriotike dhen ë radhë të parë
është një detyrë ndaj fëmijëve të tyre. Ata duhet të japin një mesazh të
rëndësishëm shprese, ndryshimi në mënyrë që Shqipëria të mos ia kalojë edhe
Sierra Leones sepse i jemi afruar shumë që ka edhe luftë civile ka edhe Ebola.

Ka një votues që janë
pragmatist. Cila do të ishte mesazhi që ju do t’i drejtonit atyre?

Votoni
për atë forcë politike që edhe nëse nuk ta zgjidh një hall, ta qanë hallin ty.

Ju këtë keni bërë në
fakt, ja keni qarë hallin njerëzve…

Po
edhe kur nuk ta zgjidh hallin të paktën ta qan. Të tjerët mendojnë që njerëzit
kanë për detyrë që të votojnë për ata, sepse ata janë më të mirët në votë sepse
në 27 vjet s’ka patur PS. E ke dëgjuar rilindjen ti? Nga 1997 deri në 2005 që
ka drejtuar PS që e mori shtetin e shkatërruar që nga komisariatet e djegura,
gjykatat e çdo gjë dhe plot me banda dhe që u bënë tërë ato zhvillime, u bë një
progres shumë i madh, madje u bë edhe Edi Rama kryetar i Bashkisë së Tiranës.
madje u bënë shumë ndryshime në Tiranë me atë qeveri të socialistëve etj. Për
ata nuk ka qenë nuk ka ekzistuar PS, çdo gjë fillon me Rilindjen, fillon me
2013. Kush e ka zhbërë historinë e PS, vlerat e PS, tradita e PS? Krahasohen
grupet parlamentare të PS në atë kohë me grupin e tanishëm?!

Po kanë ndryshuar
kohërat z. Meta?

Kanë
ardhur kohë më të vështira, ka më pak intelektual në qarkullim apo ne duam ta
gjejmë forcën tek të fortët, tek banditët, tek biznesmenët dhe njerëzit me
eksperiencë në politikë, njerëz me integritet në politikë, njerëz me mendimin e
tyre në politikë duhet t’i zhdukim sepse ne duam të sundojmë, nuk duam të
qeverisim nuk duam të drejtojmë….

Z. Rama e ka
përforcuar shumë mendimin kur ai thotë se LSI na kërkonte tepsinë,
drejtorinë…


vij këtë. A të vij nesër unë, ta anulojë intervistën tek Fevziu, më jepni një
konfirmim dhe të më tregojë se çfarë tepsie i ka kërkuar LSI atij, ku është
tepsia.

Ngjanë sikur jeni
afër dhe i kërkoni poste…

Absolutisht!
Kjo është një përrallë. Ajo nuk i ka qëndruar marrëveshje. Meqë ju përmendët
socialistët. Ai dje ka bërë edhe dy autogola të paparë në Vorë. Tha, e para për
këtë punën e tepsisë për hipotekat se e ka luajtur shumë dhe nuk kemi dashur të
merremi shumë sepse ai ka gënjyer. Dhe hipotekat më të rëndësishme në Tiranë,
në gjithë qarkun e Tiranës, në Durrës, në Vlorë, në Sarandë e në 80% të
Shqipërisë i ka pasur Rilindja.

Drejtuesi kryesorë
ishte i juaji..

Ai
ishte i përgjithshmi por nuk ka pasur asnjë kompetencë mbi ata. I ka pasur
drejtues të rilindjes. I tha për të marrë 3 mijë legalizime nuk i ka bërë
hipoteka e Tiranës kur e ka pasur ai hipotekën dhe e ka akoma, tani e ka bashkë
me Lulin. Në Durrës që prapë e ka Rilindja, 30 mijë legalizime janë bërë dhe
nuk janë hipotekuar. Ta bëj se e ka Rilindja.

Vajti
atje dhe ju lut Fiqos, kryetarin e bashkisë së PD në Vorë, i tha se i kishte
një borxh për të rikthyer sepse në 2015 unë të ndihmova ty. Tani ka ardhur koha
që t’i të kërkosh vota për PS, kur ky gjoja ishte në koalicion me mua me LSI në
2015 dhe vite dhe atje dhe bënte gjoja sikur mbështeste kandidatin tonë.

Sikur i binte
Fiqos. Tani kë të besoj? Të besoj atë të 2015-s, apo të besoj këtë tani që kur
i duhet edhe vota e Fiqos është gati të shtrihet edhe para këmbëve të Fiqos.
Nuk shkon kjo. Çfarë tregon kjo? Kjo tregon që ky nuk i qëndron marrëveshjeve.
Tregon atë që tha Luan Rama atëherë që pazari i Pogradecit ishte më keq se
pazari i Roskovecit. Edhe në Pogradec, edhe në Lezhë, edhe në Vorë, edhe në
Mallakastër, edhe në Kukës e kudo tjetër, Rilindja, jo Partia Socialiste,
ndryshe nga sa vepruam ne që e mbështetëm kudo PS-në duke i qëndruar
marrëveshjes, Rilindja në pabesi punoi që këto bashki t’i fitonin kandidatët
demokratë me shpresën që një ditë këta do t’u kthejnë borxhin për zgjedhjet e
përgjithshëm. Ky është luajaliteti, konstruktiviteti, partneriteti strategjik.

Për të qenë të vërtetë duhet pranuar që në fund të ditës,
në 26 qershor, mund të thotë që ishin të gjitha batuta fushate. Asgjë nuk është
për t’u çuditur.

Kush e thotë.
Petrit Vasili nuk e thotë kurrë atë.

Edi Rama mund ta thotë dhe Petrit Vasili ta pranojë.

Në 26 qershor
rëndësi ka çfarë thotë Petrit Vasili.

Këtu do ta mbyll z. Meta. Rëndësi ka në 26 qershor çfarë
thotë Petrit Vasili.

Sepse në 25
qershor populli shqiptar ka rëndësi ç’thotë populli shqiptar dhe populli
shqiptar do ta thotë fjalën e vetë. Pranvera e dytë demokratike në Shqipëri po
afron. Shqiptarët nuk mund t’i nënshtrojë, nuk mund t’i frikësojë askush. Aq më
tepër rininë e Shqipërisë. Jam i bindur që, nuk kërkoj përgjigje, por vajzën
tuaj që është katër vjeç e pak, pastë jetën egjatë dhe mbarësi, e të gjithë ata
prindër që dëgjojnë, kurrë nuk do t’i hipin më në një autobus me shofer Edi
Ramën.

Po z. Rama nuk e di makinën.

Timonier…

Faleminderit, herës tjetër do t’ju intervistoj si
president.

Faleminderit,
kënaqësi edhe për mua dhe fal
ënderoj edhe teleshikuesit tuaj.