Hungaria ka kërkuar nga Bashkimi Europian që të dënojë ndërhyrjen e kryeministrit të Shqipërisë Edi Ramës, në punët e brendshme të Maqedonisë.
Ministri i Jashtëm hungarez, Peter Szijarto, ka thënë se Hungaria do kërkojë nga BE-ja dënimin e Platformës Shqiptare, qëndrim i cili do të zyrtarizohet gjatë punimeve të Këshillit të Ministrave të Jashtëm të BE-së.
Kjo platformë, sipas ish-Kryeministrit maqedonas Nikola Gruevski është bashkimi i partive shqiptare në mbështetje të Zoran Zaev sipas udhëzimeve të Tiranës zyrtare.
Ndërkohë, pjesë e kësaj nisme për dënimin e Ramës për “ndërhyrje në punët e brenshme të Maqedonisë”, do bëhen dhe ministrat e Jashtëm të Austrisë dhe Greqisë, raporton “MIA”.
